സമ്മാനപ്പെട്ടി തുറന്ന് നിര്ദേശങ്ങള് വായിക്കുന്ന കുരങ്ങന് ആണിപ്പോള് സമൂഹമാദ്ധ്യമങ്ങളില് തരംഗമാവുന്നത്. ഈ കാഴ്ച്ച ദശലക്ഷം കാഴ്ച്ചക്കാരുടെ മുഖത്ത് പുഞ്ചിരി വിടര്ത്തിയിരിക്കുകയാണ്. ദ കോള്ഡസ്റ്റ് വാട്ടര് എന്ന കമ്പനിയാണ് അവരുടെ ഉല്പ്പന്നങ്ങളില് ഒന്നായ തെര്മോസിന്റെ (തെര്മല് ഫ്ളാസ്ക്/ വാട്ടര് ബോട്ടില്) കവര് തുറക്കുന്ന കുരങ്ങന്റെ വീഡിയോ പുറത്തുവിട്ടത്. വാട്ടര് ബോട്ടില് തുറക്കുന്ന കൗതുകക്കാരനായ ജോര്ജ് എന്ന തലക്കെട്ടോടെയാണ് ഇവര് വീഡിയോ പങ്കുവെച്ചിരിക്കുന്നത്. നിമിഷ നേരം കൊണ്ട് തന്നെ വീഡിയോ വൈലായി.
ജോര്ജ് എന്നാണ് കുരങ്ങന്റെ പേര്. വീഡിയോയില് വളരെ കൗതുകത്തോടെയാണ് ജോര്ജ് പെട്ടി തുറക്കുന്നത്. പെട്ടിക്കുള്ളില് വാട്ടര് ബോട്ടില് കാണുന്നതോടെ ജോര്ജ് ക്യാമറയില് നോക്കി സന്തോഷത്തോടെ ചിരിക്കുകയും ശേഷം വാട്ടര് ബോട്ടില് തുറന്ന് കുപ്പി നന്നായി പരിശോധിക്കുകയും ചെയ്യുന്നു. തീര്ന്നില്ല ജോര്ജിന്റെ പരിശോധന.. ജോര്ജ് തെര്മോസിന്റെ മാനുവല് വായിച്ച് ഉല്പ്പന്നത്തിന്റെ ഗുണനിലവാരം പരിശോധിക്കുകയും ചെയ്യുന്നത് കാഴ്ച്ചക്കാരെ കൂടുതല് ആകര്ഷിച്ചു.
ജോര്ജിന് പുതിയ ഒരു തെര്മോസ് ലഭിച്ചു.. നിര്ദേശങ്ങളും മറ്റും വായിക്കുന്നു.. ഇപ്രകാരമാണ് വീഡിയോ പങ്കുവെച്ച് അമേരിക്കന് ബാസ്ക്കറ്റ് ബാള് കളിക്കാരന് റെക്സ് ചാപ്മാന് കുറിച്ചത്. ഈ ആഴ്ച്ചയില് കണ്ട വളരെ മനോഹരമായ കാഴ്ച്ച, മൃഗസ്നേഹി അല്ലാതിരുന്നിട്ട് കൂടി കുരങ്ങ് ആ ബോക്സ് തുറന്നത് എന്നില് ചിരി ഉണര്ത്തി, വീണ്ടും നിര്ദേശങ്ങള് വായിക്കുന്നത് ബോട്ടിലിനകത്ത് ഒന്നുമില്ലാത്തത് കൊണ്ടാണ് , എനിക്കും ഇതുപോലൊരു കുരങ്ങിനെ വേണം.. ഇത് മനോഹരം തന്നെ.. മനുഷ്യര് പോലും ഇതുപോലെ മാനുവല് നിര്ദേശങ്ങള് വായിക്കില്ല.. തുടങ്ങീ നിരവധി കമന്റുകളാണ് ജോര്ജിന്റെ വൈറല് വീഡിയോയ്ക്ക് താഴെ ലഭിച്ചിരിക്കുന്നത്.
George got a new thermos. Reads the instructions and all… pic.twitter.com/7pwtLWzcvq
— Rex Chapman🏇🏼 (@RexChapman) August 6, 2020
Comments