ബാംഗ്ലൂർ : ടൊയോട്ട കിർലോസ്കർ മോട്ടോഴ്സിന്റെ എക്കാലത്തെയും മികച്ച വാഹനങ്ങളിലൊന്നായ ഫോർച്യൂണറിന്റെ ഏറ്റവും പുതിയ ലിമിറ്റഡ് എഡിഷൻ മോഡലായ ടൊയോട്ട ടിആർഡി അവതരിപ്പിച്ചു. പകരം വെക്കാനില്ലാത്ത കാര്യക്ഷമതക്കും, കരുത്തിനുമൊപ്പം ആകർഷകമായ സവിശേഷതകളും, ഡ്യൂവൽ ടോൺ ഡിസൈനും ടൊയോട്ട ടിആർഡിയെ വ്യത്യസ്തമാക്കുന്നു. 4×2, 4×4 ഓട്ടോമാറ്റിക് ട്രാൻസ്മിഷൻ ഡീസൽ വേരിയന്റുകളിലായി ലഭ്യമാകുന്ന ഫോർച്യൂണറിന്റെ എക്സ് ഷോറൂം വില രാജ്യത്തെ കേരളം ഒഴികയുള്ള നഗരങ്ങളിൽ യഥാക്രമം 34,98,000 രൂപ, 36,88,000 രൂപ എന്നിങ്ങനെയാണ്.
ടൊയോട്ട പ്രാധാന്യം നൽകുന്ന (ക്യു.ഡി.ആർ)ഗുണമേന്മ, ദൃഢത, വിശ്വാസ്യത എന്നിവയ്ക്കൊപ്പം ടൊയോട്ട റേസിങ് ഡവലപ്മെന്റി(ടി ആർ ഡി)ന്റെ രൂപകൽപ്പനാ മികവുമായാണ് ‘ഫോർച്യൂണർ ടി ആർ ഡി സ്പോട്ടി ലിമിറ്റഡ് എഡിഷന്റെ’ വരവ്. മികച്ച റോഡ് സാന്നിധ്യത്തിനൊപ്പം കൂടുതൽ സ്പോർട്ടി സവിശേഷതകളും പുത്തൻ ‘ഫോർച്യൂണറി’ൽ ടൊയോട്ട വാഗ്ദാനം ചെയ്യുന്നു. ഇന്ത്യയിൽ 2009ൽ അരങ്ങേറ്റം കുറിച്ചതു മുതൽ എസ് യു വി വിപണിയെ അടക്കി വാണ ചരിത്രമാണ് ‘ഫോർച്യൂണറി’ന്റേത്.
ഡ്രൈവിംഗ് എളുപ്പത്തിനായി 360 ഡിഗ്രി പനോരമിക് വ്യൂ മോണിറ്റർ, ഓട്ടോ ഫോൾഡിങ് ഔട്ട് സൈഡ് റിയർ വ്യൂ മിററുകൾ പോലുള്ള ഏറ്റവും പുതിയ സവിശേഷതകളും ഫോർച്യൂണർ ടിആർഡിയിലുണ്ട്. ഡ്യുവൽ-ടോൺ സ്റ്റൈലിഷ് എക്സ്റ്റീരിയർ, അതിശയപ്പെടുത്തുന്ന ഡ്യുവൽ-ടോൺ ഡാഷ്ബോർഡ്, പ്രീമിയം ഇന്റീരിയർ എന്നിവ വാഹനത്തിനു കൂടുതൽ സ്പോർട്ടി ലുക്ക് നൽകുന്നുണ്ട്. ചാർക്കോൾ ബ്ലാക്ക് ആർ 18 ടിആർഡി അലോയ് വീലുകളാണ് മറ്റൊരു പ്രധാന സവിശേഷത.
സ്പെഷ്യൽ ടെക്നോളജി പാക്കേജിന് കീഴിൽ ഫോർച്യൂണർ ടിആർഡി നിരവധി ഡിജിറ്റൽ ഹൈടെക് ഓപ്ഷണൽ ആക്സസറികളും വാഗ്ദാനം ചെയ്യുന്നുണ്ട് അതിൽ ‘ഹെഡ് അപ്പ് ഡിസ്പ്ലേ (എച്ച് യു ഡി), ടയർ പ്രഷർ മോണിറ്റർ (ടിപിഎംഎസ്), ഡിജിറ്റൽ വീഡിയോ റെക്കോർഡർ (ഡിവിആർ), വയർലെസ് സ്മാർട്ട്ഫോൺ ചാർജർ, വെൽക്കം ഡോർ ലാംപ് തുടങ്ങിയ അത്യാധുനിക സവിശേഷതകൾ ഉൾപ്പെടുന്നു. കൂടാതെ, വ്യക്തിഗത സുരക്ഷയ്ക്ക് മുൻഗണന നൽകുന്നത് ടൊയോട്ട ഇന്ത്യയിൽ ആദ്യമായി അവതരിപ്പിക്കുന്ന ആക്സസറിയായ എയർ അയോണൈസറും ഈ വാഹനത്തിന്റെ പ്രത്യേകതയാണ്.
രാജ്യത്തുടനീളമുള്ള ടൊയോട്ട ഡീലർഷിപ്പുകളിൽ വാഹന ബുക്കിംഗ് ആരംഭിച്ചിട്ടുണ്ട്.
