മുംബൈ : ജര്മന് ആഡംബര കാര് നിര്മ്മാതാക്കളായ ഔഡിയുടെ പുതിയ ഔഡി ആര്എസ് ക്യു8-ന്റെ ബുക്കിംഗ് ആരംഭിച്ചു. ഏറ്റവും മികച്ച പെര്ഫോര്മന്സും ദൈനംദിന ഉപയോഗ ക്ഷമതയും ഡിസൈനിലും ഡ്രൈവിലും വിശാലമായ കസ്റ്റമസൈഷേന് സാധ്യതകളുമുള്ള എസ് യുവിയായ ഔഡി ആര്എസ് ക്യു8 15 ലക്ഷം രൂപയ്ക്ക് ഇപ്പോള് ബുക്ക് ചെയ്യാവുന്നതാണ്. ഈ വര്ഷം വിപണിയിലിറക്കുന്ന തങ്ങളുടെ നാലാമത്തെ മോഡലായ ഔഡി ആര്എസ് ക്യു8 പെര്ഫോമന്സിന്റേയും സ്റ്റൈലിന്റേയും പ്രതീകമാണെന്നും ട്വിന്-ടര്ബോ വി8 പെട്രോള് എന്ജിനാണ് ഈ മോഡലിന്റേതെന്നും ഔഡി ഇന്ത്യ തലവന് ബല്ബീര് സിംഗ് ധില്ലന് പറഞ്ഞു.
ആര്എസ് മോഡലിന്റെ കരുത്തും പ്രീമിയം കൂപ്പെയുടെ ഭംഗിയും എസ് യുവിയുടെ വഴക്കവും ഒത്തിണങ്ങുന്നതാണ് ആര്എസ് ക്യു8. ഈ വര്ഷം ആദ്യം പുറത്തിറക്കിയ ഔഡി ക്യു8 ന് ലഭിക്കുന്ന മികച്ച പ്രതികരണത്തെത്തുടര്ന്നാണ് ഈ മോഡല് എത്തുന്നതെന്നും അദ്ദേഹം പറഞ്ഞു.
ഔഡി കുടുംബത്തിലെ ഏറ്റവും ശക്തമായ എസ് യുവി കൂപ്പെയാണ് ആര്എസ് ക്യു8. 600 എച്ച്പി ശക്തിയോടെ 3.8 സെക്കന്റിനുള്ളില് 100 കിമീ വേഗം കൈവരിക്കാന് ആര്എസ് ക്യു8-ന് കഴിയും. രാജ്യത്തെമ്പാടുമുള്ള ഡീലര്മാരിലൂടെയും www.audi.in എന്ന വെബ്സൈറ്റിലൂടെയും പുതിയ മോഡല് ബുക്കുചെയ്യാം.
