ലിസ്ബണ്: പി.എസ്.ജി. ചാമ്പ്യന്സ് ലീഗ് സെമിയില് കടന്നു. അറ്റ്ലാന്റയെയാണ് തോല്പ്പിച്ചത്. ഒന്നിനെതിരെ രണ്ടുഗോളുകള്ക്കായിരുന്നു ജയം.അവസാനനിമിഷങ്ങളിലെ മികച്ച ആക്രമണങ്ങളിലൂടെയാണ് നെയ്മറും എംബാപ്പെയും സംഘവും സെമിയില് ഇടം നേടിയത്.
കളിയുടെ തുടക്കത്തില് തന്നെ മുന്നിലെത്തിയ അറ്റ്ലാന്റയെ ഞെട്ടിച്ചാണ് അവസാന നിമിഷം പി.എസ്.ജിയുടെ ശക്തമായ മുന്നേറ്റം നടന്നത്. 25 വര്ഷങ്ങള്ക്ക് ശേഷമാണ് പി.എസ്.ജി ചാമ്പ്യന്സ് ലീഗിന്റെ സെമി കാണുന്നത്.
അറ്റ്ലാന്റയാണ് ആദ്യം മുന്നിലെത്തിയത്. 26-ാം മിനിറ്റില് മരിയോ പസാലിക്കാണ് അറ്റ്ലാന്റയെ മുന്നിലെത്തിച്ചത്. ശക്തമായ പ്രതിരോധം തീര്ത്ത് പി.എസ്.ജിയെ വിഷമിപ്പിച്ച അറ്റ്ലാന്റയ്ക്ക് അവസാന നിമിഷത്തെ പി.എസ്.ജിയുടെ ആക്രമണത്തെ പ്രതിരോധി ക്കാനായില്ല. നെയ്മറുടെ മികച്ച അസിസ്റ്റുകള് അറ്റ്ലാന്റയുടെ ഗോള്മുഖത്ത് തരംഗം തീര്ത്തു. 90-ാം മിനിറ്റില് ഇടതു വിംഗില് പന്തുപ്ടിച്ചെടുത്ത നെയ്മര് നല്കിയ പാസ്സ് കണക്ട് ചെയ്ത മാര്ക്വിന്ഹോസാണ് നിര്ണ്ണായക സമനില പിടിച്ചത്. എംബാപ്പെ നല്കിയ പാസ്സ് 93-ാം മിനിറ്റില് എറിക് മോട്ടിഗ് വിജയഗോളാക്കി മാറ്റി. ഇന്നു നടക്കുന്ന ലീപ്സെഗ്- അത്ലറ്റികോ മാഡ്രിഡ് മത്സരത്തിലെ വിജയികളെയാണ് പി.എസ്.ജി സെമിയില് നേരിടുക.
Comments