മുംബൈ : രാജ്യത്തെ മുൻനിര വാണിജ്യ വാഹന നിർമ്മാതാക്കളായ ടാറ്റാ മോട്ടോഴ്സിന്റെ 47.5 ടൺ മൾട്ടി ആക്സിൽ ടിപ്പർ ആയ സിഗ്ന 4825 ടികെ വിപണിയിൽ. സിഗ്നയുടെ 29 ക്യുബിക് മീറ്റർ വിസ്താരമുള്ള വാഹക ശേഷി ഓരോ ട്രിപ്പിലും കൂടുതൽ ഭാരം വഹിക്കാൻ സഹായിക്കുന്നു. ഉയർന്ന ഉല്പാദനക്ഷമത എന്ന ഉപഭോക്താക്കളുടെ ആവശ്യം നിറവേറ്റുന്നതിന് പുതിയതായി പുറത്തിറക്കിയ വാഹനം സഹായിക്കുന്നു. ടാറ്റാ മോട്ടോഴ്സ് പവർ ഓഫ് സിക്സ് എന്ന അടിസ്ഥാനതത്വത്തെ ആസ്പദമാക്കി മികച്ച പ്രകടനം, ഉയർന്ന വാഹക ശേഷി, കുറഞ്ഞ ചെലവ്, മികച്ച സൗകര്യം, ഡ്രൈവർമാരുടെ സുരക്ഷ എന്നിവ പുതിയ വാഹനം ഉറപ്പുനൽകുന്നു
കുമ്മിൻസ് ISBe 6.7-ലിറ്റർ BS6 എൻജിനാണ് വാഹനത്തിന് കരുത്ത് പകരുന്നത്. 1000-1700 ആർപിഎമ്മിൽ 950 എൻ എം ടോർക്കും 250 എച്ച് പി കരുത്തും ഈ എൻജിൻ പ്രദാനം ചെയ്യുന്നു. 430 എംഎം ഡിയ ഓർഗാനിക് ക്ലച്ച് ഉള്ള ഹെവി ഡ്യൂട്ടി ജി 1150 9 സ്പീഡ് ഗിയർബോക്സുമായി ശക്തമായ എഞ്ചിൻ ഇഴുകിച്ചേരുന്നു. കുറഞ്ഞ ഇന്ധനം മാത്രം ഉപയോഗിച്ച് ഗതാഗതം സാധ്യമാക്കുന്നതിനുള്ള ഗിയർ റേഷ്യോ ആണ് വാഹനത്തിൽ ഉള്ളത്. ലൈറ്റ്, മീഡിയം, ഹെവി എന്നീ ഡ്രൈവുകളിൽ വാഹനം ലഭ്യമാണ്. 29 ക്യുബിക് മീറ്റർ ടിപ്പർ ബോഡിയും ഹൈഡ്രോളിക്സും സഹിതം ആണ് വാഹനം പുറത്തിറക്കുന്നത്
ഏറ്റവും പുതിയ പ്രത്യേകതകൾ ആയ വിശാലമായ സ്ലീപ്പർ ക്യാബിൻ, ചെരിഞ്ഞ സ്റ്റീയറിംഗ് സംവിധാനം, അഡ്ജസ്റ്റ് ചെയ്യാവുന്ന സൗകര്യപ്രദമായ ഡ്രൈവിംഗ് സീറ്റ്, ഷിഫ്റ്റ് ഗിയറുകൾ എന്നിവയാണ് വാഹനത്തിനുള്ളത്. എല്ലാ കാലാവസ്ഥയിലും മികച്ച രീതിയിൽ വാഹനം ഓടിക്കുന്നതിന് ശക്തമായ എയർ കണ്ടീഷനിംഗ് സംവിധാനമുള്ള ക്യാബിൻ ആണ് വാഹനത്തിനുള്ളത്. ക്രാഷ് ടെസ്റ്റ് ചെയ്ത ക്യാബിൻ, ഉയരത്തിൽ ഉറപ്പിച്ചിരിക്കുന്ന സീറ്റ്, റിയർവ്യൂ മിറർ, ബ്ലൈൻഡ് സ്പോട് മിറർ, തുടങ്ങിയവ ഏറ്റവും മികച്ച, സുരക്ഷിതമായ വാഹനമാക്കി ഇതിനെ മാറ്റുന്നു.
ഏറ്റവും മികച്ച സാങ്കേതിക വിദ്യകളായ ഹിൽ സ്റ്റാർട്ട് അസിസ്റ്റ്, എഞ്ചിൻ ബ്രേക്ക്, ഐസിജിടി ബ്രേക്ക് എന്നിവ വാഹനത്തിൽ ഉണ്ട്. ഇത് വാഹനത്തിന് മികച്ച നിയന്ത്രണവും കുറഞ്ഞ ഉപയോഗ ചെലവും ഉറപ്പാക്കുന്നു. ചരക്ക് ഇറക്കുമ്പോൾ സംഭവിക്കാവുന്ന അപകടങ്ങൾ തിരിച്ചറിയുന്നതിനും അത് തടയുന്നതിനും ഏറ്റവും ആധുനിക സെൻസർ സംവിധാനം വാഹനത്തിൽ ഉണ്ട്. ഇത് ഡ്രൈവറുടേയും ഓപ്പറേറ്ററുടെയും സുരക്ഷ ഉറപ്പാക്കുന്നു.
ടാറ്റാ മോട്ടോഴ്സ് അവതരിപ്പിക്കുന്ന ഡിജിറ്റൽ സൊലൂഷൻ ആയ ഫ്ലീറ്റ് എഡ്ജ് വാഹനത്തിന്റെ പ്രവർത്തന സമയം ദീർഘിപ്പിക്കുന്നതിനും അതുവഴി ചെലവു കുറയ്ക്കുന്നതിനും സഹായിക്കുന്നു. ഈ മേഖലയിലെ ഏറ്റവും മികച്ച ഓഫറായ ആറുവർഷം അല്ലെങ്കിൽ ആറ് ലക്ഷം കിലോമീറ്ററാണ് വാഹനത്തിന്റെ വാറണ്ടി.
