ന്യൂഡല്ഹി: ജമ്മുകശ്മീരിലെ മാതാ വൈഷ്ണോ ദേവി തീര്ത്ഥയാത്രയ്ക്കുള്ള ഒരുക്കങ്ങള് കേന്ദ്രസര്ക്കാര് പുന:രാരംഭിച്ചു. തീര്ത്ഥാടകര്ക്കായുള്ള ഓണ്ലൈന് രജിസ്ട്രേഷനും ഹെലികോപ്റ്റര് ബുക്കിംഗുമാണ് ആരംഭിച്ചിരിക്കുന്നത്. ഇന്നു മുതല് സെപ്തംബര് 5-ാം തീയതിവരെയാണ് ബുക്കിംഗിനുള്ള സമയം.
‘വൈഷ്ണോ ദേവി ഓണ്ലൈന് രജിസ്ട്രേഷനും ഹെലികോപ്റ്റര് ബുക്കിംഗും ആഗസ്റ്റ് 26 മുതല് സെപ്തംബര് 5 വരെ ലഭ്യമായിരിക്കും’ തീര്ത്ഥയാത്രയുടെ മുഖ്യചുമതലയുള്ള രമേശ് കുമാര് ജാന്ഗിഡ് അറിയിച്ചു. ക്ഷേത്ര ബോര്ഡിന്റെ ചീഫ് എക്സിക്യൂട്ടീവ് ഓഫീസറാണ് രമേശ് കുമാര്.
ആഗസ്റ്റ് 16 മുതല് വൈഷ്ണോ ദേവി തീര്ത്ഥാടനം ആരംഭിച്ചു കഴിഞ്ഞു. കൊറോണ കാരണമാണ് അഞ്ചുമാസത്തേക്ക് ക്ഷേത്രം അടച്ചിട്ടതെന്നും രമേശ്കുമാര് അറിയിച്ചു.
Comments