സ്റ്റുട്ഗട്ട്: അവസാന നിമിഷത്തെ ഗോളില് ജര്മ്മനിയെ നിരാശരാക്കി സ്പെയിനിന്റെ സമനില. യുവേഫാ നേഷന്സ് ലീഗിലാണ് മുന് ലോകചാമ്പ്യന്മാര് 1-1ന് സമനിലയില് പിരിഞ്ഞത്.
കളിയുടെ ആദ്യപകുതിയില് ഇരുടീമുകള്ക്കും ഗോള് നേടാനായില്ല. രണ്ടാം പകുതിയുടെ തുടക്കത്തില് തിമോ വെര്ണറുടെ ഗോളിലൂടെ ജര്മ്മനി 1-0ന്റെ ലീഡ് സ്വന്തമാക്കി. കളിയുടെ അവസാന നിമിഷം ഇഞ്ചുറിടൈംമിലെ അവസാന സെക്കന്റിലാണ് സ്പെയിനിന്റെ സമനില ഗോള് പിറന്നത്. ജോസെ ഗായയ്ക്ക് ഗോള് പോസ്റ്റിനടുത്ത് കിട്ടിയ മികച്ച പാസ്സാണ് നിര്ണ്ണായകമായത്.
ജര്മ്മനിയിലെ സ്റ്റുട്ഗട്ട് നഗരത്തിലെ മേഴ്സിഡസ്-ബെന്സ് അറീന സ്റ്റേഡിയത്തിലാണ് മത്സരം നടന്നത്. 2020ല് ഇരുടീമുകളും ഒരു അന്താരാഷ്ട്ര മത്സരത്തില് ഏറ്റുമുട്ടുന്നത് ഇത് ആദ്യമായിട്ടാണ്. ഗ്രൂപ്പ് -4ലാണ് ജര്മ്മനിയും സ്പെയിനും നേഷന്സ് ലീഗില് ഇടം നേടിയി രിക്കുന്നത്. ജോക്കിം ലോയുടെ പരിശീലനത്തിലിറങ്ങിയ ജര്മ്മനി ഇന്നലെ മികച്ച പോരാട്ടമാണ് പുറത്തെടുത്തത്. ദേശീയ ടീമില് അരങ്ങേറ്റം കുറിച്ച റോബിന് ഗോസിനൊപ്പം മുന്നേറിയാണ് വെര്ണര് തിമോ വെര്ണറിലൂടെ മുന്തൂക്കം നല്കിയത്. എന്നാല് അവസാന നിമിഷം ലൂയിസ് എന്റികോയുടെ കീഴിലിറങ്ങിയ സ്പെയിന് വേണ്ടി റോഡ്രീഗോ മൊറേനോയുടെ ഹെഡ്ഡറാണ് ജോസേ ഗയാ ഗോളാക്കിയത്.
