ടൊയോട്ട ഫോർച്യൂണർ ടിആർഡിക്ക് എതിരാളിയായി എൻഡോവർ സ്പോർട്ട് മോഡൽ ഇന്ത്യയിൽ അവതരിപ്പിക്കാൻ ഫോർഡ് തയ്യാറെടുക്കുന്നു. കറുത്ത അലോയ് വീലുകൾ, ബ്ലാക്ക് ഗ്രിൽ, ബ്ലാക്ക് ബമ്പറുകൾ, ഇരുണ്ട നിറത്തിൽ ഉള്ള ഇന്റീരിയർ എന്നിവ ആയിരിക്കും എൻഡോവർ സ്പോർട്ടിന് ഉള്ള പ്രത്യേകതകൾ .
സ്പോർട്ടിയർ രൂപത്തിലുള്ള വേരിയന്റായ എൻഡോവർ ഓസ്ട്രേലിയ തുടങ്ങിയ രാജ്യങ്ങളുടെ വാഹന വിപണിയിൽ എവറസ്റ്റ് സ്പോർട് എന്ന നാമത്തിൽ വില്പനക്കെത്തി കഴിഞ്ഞു . അടുത്തിടെ ഇന്ത്യയിലെ റോഡുകളിൽ പുതിയ എൻഡോവർ ഓടിച്ചു പരീക്ഷണം നടത്തിയതിനാൽ ഉടൻ തന്നെ ഇന്ത്യൻ വാഹന വിപണിയിൽ ഇത് എത്തിയേക്കും എന്ന സൂചന തന്നെയാണ് നൽകുന്നത് .
കഴിഞ്ഞ മാസം ടൊയോട്ട പുറത്തിറക്കിയ ഫോർച്യൂണർ ടിആർഡിക്ക് തീർച്ചയായും ഒരു വെല്ലുവിളി ആയിരിക്കും ഇത്. ഫോർഡ് എൻഡോവർ സ്പോർട്ട് ഉൾഭാഗത്തു ചെറിയ മാറ്റങ്ങളോട് കൂടിയായിരിക്കും എത്തുക, സ്റ്റാൻഡേർഡ് മോഡലിന്റേതായ സാങ്കേതിക വിദ്യ തന്നെയായിരിക്കും പുതിയ സ്പോർട്ടി മോഡലിലും ഉണ്ടാവുക .
കറുത്ത നിറത്തിൽ ഉള്ള ഗ്രിൽ , മുൻവശത്തേയും പിൻവശത്തേയും ബമ്പറുകളിൽ കറുപ്പ് നിറത്തിലുള്ള കൂടുതൽ അലങ്കാരങ്ങൾ , കറുത്ത നിറത്തിലുള്ള റൂഫ് റയിലുകൾ , സൈഡ് മിററുകൾക്ക് കറുത്ത നിറത്തിലുള്ള ആവരണം എന്നിവയായിരിക്കും പ്രത്യേകതകൾ . കൂടാതെ ഡാഷ്ബോർഡിൽ വൈരുദ്ധ്യമുള്ള പാനൽ,കോൺട്രാസ്റ്റ് സ്റ്റിച്ചിംഗ് ഉള്ള കറുത്ത അപ്ഹോൾസ്റ്ററി,വണ്ടി ഓടിക്കുന്ന ആളെ സഹായിക്കാൻ ഉതകുന്ന സാങ്കേതിക വിദ്യകളായ കാല്നടയാത്രക്കാരെ കുറിച്ചുള്ള മുന്നറിയിപ്പുകൾ , ട്രാഫിക് സിഗ്നൽ മുന്നറിയിപ്പുകൾ എന്നിവയും പുതിയ സ്പോർട്ടിൽ ഉൾപ്പെടുന്നു .
വരാനിരിക്കുന്ന ഫോർഡ് എൻഡോവർ സ്പോർട്ട് എസ്യുവിയിൽ സാധാരണ മോഡലിന്റെ എൻജിൻ തന്നെയാണ് ഉപയോഗിച്ചിരിക്കുന്നത് . 168 ബിഎച്ച്പി കരുത്തും 420 എൻഎം പീക്ക് ടോർക്കും നൽകുന്ന 2.0 ലിറ്റർ ഇക്കോബ്ലൂ ഡീസൽ യൂണിറ്റാണ് ഉപയോഗിച്ചിരിക്കുന്നത് .ടൊയോട്ട ഫോർച്യൂണർ ടിആർഡി പോലെ, എൻഡോവർ സ്പോർട്ടും 4 X 2 , 4 X 4 വേരിയന്റുകളിൽ ലഭ്യമായിരിക്കും .
കാത്തിരിക്കൂ ഒരു പുതുപുത്തൻ സ്പോർട്ടി ഡ്രൈവിനായി
Comments