മന്ത്രങ്ങൾക്ക് നൂറ്റാണ്ടുകളുടെ പഴക്കമുണ്ട്. തലമുറകളായി കൈമാറിവരുന്ന ഈ മന്ത്രങ്ങൾ 108 തവണ ഉച്ചരിക്കണം എന്നാണ് മഹാന്മാർ പറയുന്നത്. മന്ത്രങ്ങൾ ഉരുവിടുമ്പോൾ ശരീരം, മനസ്, ആത്മാവ് എന്നിവയിലുണ്ടാകുന്ന മാറ്റങ്ങൾ നമുക്ക് തിരിച്ചറിയാൻ സാധിക്കുന്നതാണ്. പക്ഷെ എന്തുകൊണ്ടാണ് മന്ത്രങ്ങൾ 108 തവണ മന്ത്രിക്കുന്നത് എന്നറിയാമോ?
ജ്യോതിർഭൗതികം, ജ്യോതിഷം, ആത്മീയത എന്നിവ തുടക്കം മുതൽക്കേ പരസ്പരം ബന്ധപ്പെട്ട് കിടക്കുന്നവയാണ്. മനുഷ്യ ഭാവിയെ പ്രവചിക്കുന്നതിൽ സൂര്യനും ചന്ദ്രനും തമ്മിലുള്ള ഗുരുത്വാകർഷണവും സ്വാധീനിക്കുന്നുണ്ട്. ജ്യോതിഷപ്രവചനങ്ങളെ സ്വാധീനിക്കുന്നതിൽ സൂര്യനും ചന്ദ്രനുമുള്ള പങ്ക് എടുത്ത് പറയേണ്ടത് തന്നെയാണ്.
നൂറ്റാണ്ടുകൾ പഴക്കമുള്ള പ്രവചനങ്ങളും കണ്ടെത്തലുകളും ഇന്ന് സത്യമാണെന്ന് തെളിഞ്ഞുകൊണ്ടിരിക്കുമ്പോൾ അത്തരത്തിലുള്ള ഒരു കണ്ടെത്തൽ പറയാം. അതായത് സൂര്യന്റെ വ്യാസം 108 മടങ്ങ് വർധിച്ചാൽ ഭൂമിയിൽ നിന്ന് സൂര്യനിലേക്കുള്ള ദൂരം ലഭിക്കും. കൂടാതെ ചന്ദ്രന്റെ വ്യാസം 108 മടങ്ങ് വർധിച്ചാൽ ഭൂമിയിൽ നിന്ന് ചന്ദ്രനിലേക്കുള്ള ദൂരം ലഭിക്കും. (കണക്കുകൾ ചെയ്യുമ്പോൾ ചില വ്യത്യാസങ്ങൾ ഉണ്ടെങ്കിലും ഏകദേശം ഈ പറയുന്ന 108 എന്ന സംഖ്യയുടെ അനുപാതത്തിൽ തന്നെയാണ് ഉത്തരം ലഭിക്കുക)
നൂറ്റാണ്ടുകൾക്ക് മുന്നേയുള്ള ഈ പ്രവചനങ്ങൾ ശാസ്ത്രം തെളിയിക്കുന്നത് ഏകദേശം 200 വർഷങ്ങൾക്ക് മുൻപ് മാത്രമാണ്.
കൂടാതെ ജ്യോതിഷമനുസരിച്ച് ആകെ 27 നക്ഷത്രങ്ങൾ ആണുള്ളത്. ഓരോ നക്ഷത്രവും 4 പാദങ്ങളുമായി ബന്ധപ്പെട്ടിരിക്കുന്നു. അതായത് ആകെ 27×4=108 സാധ്യതകൾ ലഭിക്കുന്നു. 11, 12, 21, 24, 54 എന്നിവയും പവിത്രമാണെങ്കിലും 108 എന്ന സംഖ്യയ്ക്ക് വളരെയധികം പ്രാധാന്യമുണ്ട്.
മന്ത്രങ്ങൾ 108 തവണ ഉച്ചരിക്കണം എന്നതിന് ഇനിയും ഒരുപാട് കാരണങ്ങൾ ഉണ്ട്.
മന്ത്രശബ്ദങ്ങൾക്ക് ഒരാളുടെ ആത്മാവിനെ ഉയർന്ന തലത്തിലേക്ക് എത്തിക്കാൻ സാധിക്കും. മന്ത്രോച്ചാരണങ്ങൾ അഭ്യസിക്കാൻ നിരവധി ക്ലാസ്സുകളും ലഭ്യമാണ്. അവരെ സംബന്ധിച്ചിടത്തോളം മന്ത്രോച്ചാരണം എന്നത് മന്ത്ര യോഗ ആണ്.
ശാന്തമായ അന്തരീക്ഷത്തിൽ ഇരുന്ന് വേണം മന്ത്രോച്ചാരണങ്ങൾ നടത്താൻ.
