കൊച്ചി : സിഐടിയു നേതാക്കള്ക്കെതിരെ കുറിപ്പെഴുതി വയോധികന് ആത്മഹത്യ ചെയ്തു. 84കാരനായ പി.എം ചാത്തുക്കുട്ടിയാണ് ആത്മഹത്യ ചെയ്തത് . ഒരാഴ്ച്ച മുമ്പായിരുന്നു മരണം.
സിഐടിയു പൊതുമധ്യത്തില് അപമാനിച്ചതാണ് ആത്മഹത്യയ്ക്ക് പ്രേരണയായതെന്ന് ചൂണ്ടിക്കാട്ടി ബന്ധുക്കള് പൊലീസില് പരാതി നല്കി.
41 വര്ഷം മുമ്പ് സിപിഎം വിട്ട അന്ന് മുതലുണ്ടായ സിഐടിയു നേതാക്കളുടെ ഭീഷണിയെക്കുറിച്ചാണ് ചാത്തുക്കുട്ടി 17 പേജ് വരുന്ന ആത്മഹത്യാകുറിപ്പില് വിശദീകരിക്കുന്നത്.
അയല്വാസിയുമായുള്ള വഴിതര്ക്കത്തില് സിഐടിയു എതിര്ഭാഗത്ത് നിലയുറപ്പിച്ച് ആരോപണങ്ങള് ഉന്നയിച്ചു. അയല്വാസിയും പലതവണ അപമാനിക്കാന് ശ്രമിച്ചു. ഇതെല്ലാം സഹിക്കാനാകാതെ വന്നപ്പോഴാണ് ആത്മഹത്യ ചെയ്യാന് തീരുമാനിച്ചതെന്ന് കുറിപ്പിലുണ്ട്. ഇതിന്റെ അടിസ്ഥാനത്തില് ആണ് ബന്ധുക്കള് പൊലീസില് പരാതി നല്കിയത്.
