കുട്ടികള്ക്ക് ചോറു കഴിക്കാന് മടിയാണ്. ആ സമയവും രാവിലത്തെ പലഹാരം കഴിക്കാനാണ് മിക്ക കുട്ടികളും താല്പര്യപ്പെടുന്നത്. എന്നാല് ചോറു കഴിക്കാതിരിക്കുന്നത് കുട്ടികളുടെ ആരോഗ്യത്തെ പ്രതികൂലമായി ബാധിക്കുകയും ചെയ്യുന്നു. അമ്മമാര് പല പരീക്ഷണങ്ങള് നടത്തിയും ശാസിച്ചുമെല്ലാം കുട്ടികളെ ചോറു കഴിപ്പിക്കുന്നു. എന്നാല് ഇനി അതിന്റ ആവശ്യമില്ല. ചോറു കഴിയ്ക്കാന് മടി കാണിക്കുന്ന കുട്ടികള്ക്ക് ഉണ്ടാക്കി കൊടുക്കാവുന്ന ഒരു പലഹാരമാണ് ചോറ് അരച്ച് ഉണ്ടാക്കുന്ന ഇടിയപ്പം. എളുപ്പം തയ്യാറാക്കുന്ന ഈ വിഭവം വളരെ സ്വാദിഷ്ടമായ ഒന്നാണ്. ചോറ് കൊണ്ടുളള ഈ ഇടിയപ്പം ഉണ്ടാക്കുന്നതിനായി ചോറ് എടുത്ത് മിക്സിയിലിട്ട് നന്നായി അരച്ചെടുക്കുക.
പാകത്തിന് വെള്ളം ചേര്ത്ത് നന്നായി പേസ്ററ് പോലെ അരച്ചെടുക്കണം. അതിനു ശേഷം ഇതൊരു പാത്രത്തിലേക്കിട്ട് ഇത്തിരി അരിപ്പൊടിയും ഉപ്പും ചേര്ത്ത് നന്നായി കുഴച്ച് മയപ്പെടുത്തുക. അഞ്ചു മിനിറ്റ് കുഴച്ച ശേഷം ഒരു ടീസ്പൂണ് സണ്ഫ്ളവര് ഓയില് കൂടി ചേര്ത്ത് നന്നായി കുഴച്ചെടുക്കുക. ഇത് കുഴയ്ക്കാനായി ചൂടുവെള്ളം ആവശ്യമില്ല. അല്ലാതെ തന്നെ നല്ല മൃദുവായി കിട്ടും. ഇഡ്ഡലിത്തട്ടില് എണ്ണ തൂവിയ ശേഷം സേവനാഴിയില് മാവ് നിറച്ച് നന്നായി തട്ടിലേക്ക് തിരിച്ചെടുക്കുക. അതിനു ശേഷം പഞ്ചസാരയും നാളികേരവും അതിനു മുകളില് വിതറുക.
ആവിയില് വെച്ച് നന്നായി വേവിച്ചെടുക്കുക വളരെ സ്വാദിഷ്ടവും മൃദുവായ ഇടിയപ്പം എളുപ്പം തയ്യാറാക്കാം. കറികളും തേങ്ങാപ്പാലും കൂട്ടി കഴിക്കാവുന്ന ഇടിയപ്പം കുട്ടികളും മുതിര്ന്നവരും ഒരു പോലെ ഇഷ്ടപ്പെടുന്ന ഒരു വിഭവമാണ്. ചോറ് കഴിക്കാന് മിക്ക കുട്ടികള്ക്കും മടിയാണ് എന്നാല് ചോറുപയോഗിച്ച് ഇങ്ങനെ ഇടിയപ്പം ഉണ്ടാക്കിയാല് കുട്ടികള് താല്പര്യത്തോടു കൂടി കഴിക്കുന്നു. ഇനി വീട്ടില് ഈ സ്വാദിഷ്ടമായ വിഭവം പരീക്ഷിച്ചു നോക്കൂ. ഈ മാവ് സേവനാഴിയിലോ, കയ്യിലോ ഒട്ടിപ്പിടിക്കുകയില്ല. പകരം നല്ല മൃദുവായ ഇടിയപ്പം കിട്ടുന്നതാണ്.
Comments