ന്യൂഡല്ഹി: വടക്കന് ഡല്ഹിയിലെ വര്ഗ്ഗീയ കലാപം അഴിച്ചുവിട്ടതിന്റെ പേരില് ഉമര് ഖാലിദിനെ അറസ്റ്റ് ചെയ്തു. സി.എ.എ വിരുദ്ധ പ്രക്ഷോഭം ആളിക്കത്തിച്ച് ജെ.എന്.യു വിലടക്കം കലാപം നടത്തിയതിന്റെ പേരില് മുന്പ് പോലീസ് അറസ്റ്റ് ചെയ്ത വിദ്യാര്ത്ഥി നേതാവാണ് ഉമര് ഖാലിദ്. ഡല്ഹിയെ നരകതുല്യമാക്കിയ കലാപത്തിന് കാരണക്കാരയവരില് ഉമര്ഖാലിദുമുണ്ടെന്നാണ് പ്രത്യേക അന്വേഷണ സംഘം കണ്ടെത്തിയത്. യു.എ.പി.എ ചുമത്തിയാണ് അറസ്റ്റ്. ഞായറാഴ്ച മണിക്കൂറുകളോളം ചോദ്യം ചെയ്തശേഷമാണ് അറസ്റ്റിലേക്ക് നീങ്ങിയത്. ഖാലിദിന്റെ ഫോണും പോലീസ് കണ്ടുകെട്ടി.
ഡല്ഹി പോലീസ് കലാപത്തിന്റെ സൂത്രാധാരനും മുന് ആം ആദ്മി നേതാവുമായ താഹിര് ഹുസൈനെ അറസ്റ്റ് ചെയ്ത ശേഷമാണ് ആസൂത്രണം ചെയ്തവരെ തിരഞ്ഞുതുടങ്ങിയത്. കലാപത്തിന് ദിവസങ്ങള്ക്ക് മുന്നേ തന്നെ താഹിര് ഉമര് ഖാലിദുമായും ഖാലിദ് സെയ്ഫ് എന്നിവരുമായും കൂടിക്കാഴ്ച നടത്തിയിരുന്നു. മൂന്നുപേരും ഷഹീന്ബാഗിലെ സമരത്തിനിടെ എല്ലാവിധ മുന്നൊരുക്കുങ്ങളും നടത്തിയ ശേഷമാണ് കലാപത്തിലേക്ക് കാര്യങ്ങളെത്തിച്ചത്. ഫെബ്രുവരിയില് നടന്ന കലാപത്തില് 53പേര് കൊല്ലപ്പെട്ടതായാണ് ഔദ്യോഗിക കണക്ക്.
