യുഎഇയിലേക്ക് യാത്ര ചെയ്യാൻ മൂക്കില് നിന്നോ തൊണ്ടയില് നിന്നോ എടുക്കുന്ന സ്രവം ആര്.ടി പി.സി.ആര് സംവിധാനത്തിലൂടെ പരിശോധന നടത്തി കൊറോണ ഇല്ലെന്ന് തെളിയിക്കുന്ന സര്ട്ടിഫിക്കറ്റാണ് വേണ്ടതെന്ന് എയര് ഇന്ത്യ എക്സ്പ്രസ് അധികൃതർ അറിയിച്ചു..ഐ.സി.എം.ആര്, പ്യുവര് ഹെല്ത്ത്, മൈക്രോ ഹെല്ത്ത് എന്നീ ഏജന്സികളില് ഏതെങ്കിലും ഒന്നിന്റെ അംഗീകാരമുള്ള ലബോറട്ടറികളിലാണ് കൊറോണപരിശോധന നടത്തേണ്ടത്. പരിശോധിക്കുന്ന ലബോറട്ടറിയുടെ ഒറിജിനല് ലെറ്റര് ഹെഡില്, ഇംഗീഷിലുള്ള പരിശോധനാ ഫലമാണ് വേണ്ടത്. റിപ്പോര്ട്ടില് ഒപ്പും സീലും ഉണ്ടായിരിക്കണം.കൈകൊണ്ട് എഴുതിയ പരിശോധനാ ഫലങ്ങളോ തിരുത്തലുകളുള്ളതോ സ്വീകരിക്കില്ല.പരിശോധനാ ഫലത്തിന്റെ ഫോട്ടോകോപ്പിയും അനുവദിക്കില്ല. യാത്ര പുറപ്പെടുന്നതിന് 96 മണിക്കൂറിനിടെയുള്ള പരിശോധനാ ഫലമാണ് വേണ്ടത്. സ്വാബ് അല്ലെങ്കില് സാമ്പിള് ശേഖരിക്കുന്ന സമയം മുതലാണ് ഈ സമയപരിധി കണക്കാക്കുന്നതെന്നും എയര് ഇന്ത്യ എക്സ്പ്രസ് അധികൃതര് വ്യക്തമാക്കി .
Comments