ഒരുപാട് ഗുണളുളള ഒരു പഴമാണ് ഡ്രാഗണ്‍ ഫ്രൂട്ട്. ഈ പഴം പതിവായി കഴിക്കുന്നത് ആരോഗ്യത്തിന് വളരെ നല്ലതാണ്. ഇതില്‍ ഒരുപാട് പോഷക ഗുണങ്ങള്‍ അടങ്ങിയിട്ടുണ്ട്. ധാതുക്കളും വിറ്റാമിനുകളും ഉള്‍പ്പെടെയുള്ള ഫൈബര്‍, ആന്റിഓക്സിഡന്റ് എന്നിവയും ഡ്രാഗണ്‍ ഫ്രൂട്ടില്‍ ധാരാളം അടങ്ങിയിട്ടുണ്ട്.
കലോറി വളരെ കുറവായതിനാല്‍ അടിഞ്ഞു കൂടിയ കൊഴുപ്പിനെ ഇല്ലാതാക്കി ശരീരഭാരം കുറയ്‌ക്കാന്‍ സഹായിക്കുന്നു. ഗര്‍ഭകാലത്തെ വിളര്‍ച്ച ഇല്ലാതാക്കാന്‍ ഡ്രാഗണ്‍ ഫ്രൂട്ട് ജ്യൂസ് കഴിക്കുന്നത് നല്ലതാണ്. ഡ്രാഗണ്‍ ഫ്രൂട്ടിന്റെ ആന്റിഇന്‍ഫ്ളമേറ്ററി ഗുണങ്ങള്‍ സന്ധികളിലെയും പേശികളിലെയും കടുത്ത വേദന ഇല്ലാതാക്കുന്നു. ഡ്രാഗണ്‍ ഫ്രൂട്ട് കഴിക്കുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നു.
ഡ്രാഗണ്‍ ഫ്രൂട്ടില്‍ കാണപ്പെടുന്ന ലൈക്കോപീന്‍ എന്ന ആന്റിഓക്സിഡന്റ് ശരീരത്തിലെ കാന്‍സറിന് കാരണമാകുന്ന ഫ്രീ റാഡിക്കലുകളെ കുറയ്‌ക്കാന്‍ സഹായിക്കുന്നു. രോഗപ്രതിരോധ ശേഷി വര്‍ദ്ധിപ്പിയ്‌ക്കുന്നു. ഡ്രാഗണ്‍ ഫ്രൂട്ട് ഹൃദയാരോഗ്യം മെച്ചപ്പെടുത്താന്‍ സഹായിക്കുന്നു. ഇത് ധമനികളെ വൃത്തിയായി സൂക്ഷിക്കുകയും രക്തത്തിന്റെ ഒഴുക്ക് കൃത്യമാക്കുകയും ചെയ്യുന്നു. വിറ്റാമിന്‍ സി ധാരാളമായി അടങ്ങിയ ഡ്രാഗണ്‍ ഫ്രൂട്ട് ചര്‍മ്മത്തിന്റെ ആരോഗ്യത്തിന് വളരെ പ്രധാനമാണ്.
ഡ്രാഗണ്‍ ഫ്രൂട്ടിന്റെ ആന്റിഓക്സിഡന്റ് ഗുണങ്ങള്‍ ചര്‍മ്മത്തില്‍ നിന്ന് അഴുക്ക് പുറന്തള്ളാനും സുഷിരങ്ങള്‍ വൃത്തിയാക്കാനും സഹായിക്കുന്നു. ഡ്രാഗണ്‍ ഫ്രൂട്ട് കഴിക്കുന്നത് മുഖക്കുരു കുറയ്‌ക്കാനും വരണ്ട ചര്‍മ്മത്തെ ഇല്ലാതാക്കാനും മുഖത്തെ ചുളിവുകളും പാടുകളും ഇല്ലാതാക്കാനും സഹായിക്കുന്നു. ഡ്രാഗണ്‍ ഫ്രൂട്ടിലെ വിറ്റാമിനുകളും ധാതുക്കളും കേടായ ചര്‍മ്മകോശങ്ങള്‍ നന്നാക്കാന്‍ സഹായിക്കുന്നു. ഡ്രാഗണ്‍ ഫ്രൂട്ടില്‍ അടങ്ങിയിരിക്കുന്ന ഫൈബര്‍ ആരോഗ്യകരമായ ദഹനത്തെ ഉത്തേജിപ്പിക്കാന്‍ സഹായിക്കുന്നു. ഭക്ഷണത്തില്‍ ഡ്രാഗണ്‍ ഫ്രൂട്ട് ഉള്‍പ്പെടുത്തുന്നതിലൂടെ ശരീരത്തിന് ആവശ്യമായ ഫൈബര്‍ ലഭിക്കുകയും ദഹനം നന്നായി നടക്കുകയും ചെയ്യുന്നു. മലബന്ധം അസിഡിറ്റി എന്നിവ തടയാനും ഇത് ഫലപ്രദമാണ്.
