മുംബൈ: ഇന്ത്യന് നാവികസേനയുടെ വിമാനവ്യൂഹത്തിന്റെ നിയന്ത്രണചുമതലയിലേക്ക് എത്തിയ വനിതാ നാവികര് തികഞ്ഞ ആത്മവിശ്വാസത്തിലാണ്. ഇന്ത്യന് നേവി നിയമിച്ചിരിക്കുന്ന സബ് ലഫ്റ്റനന്റ് റിതി സിംഗും സബ് ലഫ്റ്റനന്റ് കുമുദിനി ത്യാഗിയുമാണ് വനിതകള്ക്കും നാവികസേനയ്ക്കും അഭിമാനമായിരിക്കുന്നത്.
നാവികസേനയുടെ വ്യോമവിഭാഗത്തിലെ ഒബ്സര്വര് എന്ന ചുമതലയാണ് ഇരുവര്ക്കുമുള്ളത്. ആകാശത്ത് നിരീക്ഷണത്തിലുളള നാവികസേനാ ഹെലികോപ്റ്റര് വ്യൂഹത്തിന്റെ കരയില് നിന്നുള്ള നിയന്ത്രണം ഇവരാണ് നടത്തുക.
‘ഹെലികോപ്റ്റര് പൈലറ്റിന് വേണ്ട നിര്ദ്ദേശം നല്കുന്നത് തങ്ങളായിരിക്കും. ഹെലികോപ്റ്ററിലെ റഡാറുകളും തോക്കുകളുമടക്കം ഘടിപ്പിച്ചിരിക്കുന്ന എല്ലാ സെന്സറുകളുടേയും നിയന്ത്രണം നോക്കണം. ഒരു ആക്രമണ സാഹചര്യം വന്നാല് അത് നടത്താനുള്ള തീരുമാനവും ഏത് ഹെലികോപ്റ്റര് ദൗത്യം നിര്വ്വഹിക്കണമെന്നതും പ്രധാനമാണ്. ശത്രുവിന്റെ സ്ഥാനം നിര്ണ്ണയിക്കുന്നതും ലക്ഷ്യം തകര്ക്കാന് അടയാളപ്പെടുത്തി പൈലറ്റിനെ സഹായിക്കുന്നതാണ് ജോലി’ റിതിയും കുമുദിനിയും പറഞ്ഞു. നാവിക സേനയുടെ നിര്ണ്ണായക ജോലിയെ അഭിമാന പൂര്വ്വം ഏറ്റെടുക്കുന്നുവെന്നും ഇരുവരും ദേശീയ വാര്ത്താ എജന്സിയോട് പറഞ്ഞു.
