1904 ഒക്ടോബർ 2 ന് ജനിച്ച ലാൽ ബഹാദൂർ ശാസ്ത്രി സ്വതന്ത്ര ഭാരതത്തിന്റെ രണ്ടാമത്തെ പ്രധാനമന്ത്രിയായിരുന്നു. അദ്ദേഹത്തിന്റെ ജന്മദിനവും ഗാന്ധിജിയുടെ ജന്മദിനവും ഒരേ ദിവസം തന്നെയാണ് എന്നുള്ളത് ഏറെ ശ്രദ്ധേയമാണ്.
1920 ൽ ലാൽ ബഹാദൂർ ശാസ്ത്രി ഇന്ത്യൻ സ്വാതന്ത്ര്യ സമരത്തിന്റെ ഭാഗമാവുകയും നിസ്സഹകരണ സമരത്തിന്റെ ഭാഗമാവുകയും ചെയ്തു .1930 ൽ ഉപ്പ് സത്യാഗ്രഹത്തിൽ പങ്കെടുത്തതിന്റെ ഭാഗമായി അദ്ദേഹം രണ്ടു വർഷക്കാലം ജയിൽ ശിക്ഷ അനുഭവിക്കുകയുണ്ടായി .
മൃദുഭാഷിയും വിനീത വ്യക്തിയുമായിരുന്ന അദ്ദേഹം സ്വാന്തന്ത്ര്യ സമരമുഖത്തെ ഒരു പ്രധാന സാന്നിധ്യം ആയിരുന്നു . അദ്ദേഹത്തിന്റെ എളിമ നിറഞ്ഞ സ്വഭാവമാണ് അദ്ദേഹത്തെ മറ്റുള്ളവരിൽ നിന്ന് വ്യത്യസ്തനാക്കുന്നത് . അദ്ദേഹത്തിന്റെ പ്രചോദനാത്മകമായ ചില ഉദ്ധരണികൾ ചുവടെ ചേർക്കുന്നു
1 . ഭരണത്തിന്റെ അടിസ്ഥാനപരമായ ആശയം എന്നത് സമൂഹത്തെ ഒന്നിച്ചു നിർത്തുകയും അതുവഴി രാജ്യത്ത് വികസനം കൊണ്ടുവരുവാനും , പല ലക്ഷ്യങ്ങളിലേക്ക് മുന്നേറുവാൻ സാധിക്കുകയും ചെയ്യും എന്നുള്ളതാണ് .
2 . അച്ചടക്കവും ഐക്യം നിറഞ്ഞ നടപടികളുമാണ് രാജ്യത്തിന്റെ യഥാർത്ഥ കരുത്ത്.
3 . മറ്റുള്ളവർക്ക് ഉപദേശം നൽകുകയും അത് സ്വന്തം ജീവിതത്തിൽ പ്രാവർത്തികമാക്കാത്തതിലും ഞാൻ പലപ്പോഴും അസ്വസ്ഥനാകുമായിരുന്നു .
4 . യഥാർത്ഥ ജനാധിപത്യവും , ജനങ്ങളുടെ രാജ്യവും എന്ന വസ്തുത ഒരിക്കലും അസത്യവും അക്രമം നിറഞ്ഞ മാർഗങ്ങളിലൂടെ സാധ്യമാവുകയില്ല .
5 . ഒരു രാഷ്ട്രം എന്ന നിലയിൽ സ്വാതന്ത്ര്യത്തിനായി പോരാടിയത് പോലെ തന്നെ സമാധാനത്തിന് വേണ്ടിയും പോരാടണം .
6 . നമ്മുക്ക് മാത്രമല്ല ലോകമെമ്പാടുമുള്ള ആളുകൾക്ക് സമാധാനം ഉണ്ടാവണം എന്നും സമാധാനത്തിലൂടെ വികസനം ഉണ്ടാവുകയും ചെയ്യും എന്ന് നമ്മൾ വിശ്വസിക്കുന്നു .
7 . സാമ്പത്തിക പ്രശ്നങ്ങൾ വളരെയധികം പ്രാധാന്യം അർഹിക്കുന്ന കാര്യമാണ് , അതിനാൽ തന്നെ ദാരിദ്ര്യത്തിനും തൊഴിൽ ഇല്ലായ്മയ്ക്ക് എതിരെ പോരാടേണ്ടത് അനിവാര്യമായ കാര്യമാണ് .
Comments