പാരീസ്: ഫ്രഞ്ച് ഓപ്പണിൽ ലോക ഒന്നാം നമ്പർ നൊവാക് ജോക്കോവിച്ച് മൂന്നാം റൗണ്ടിൽ കടന്നു. ജയത്തോടെ മുൻ ലോക ഒന്നാം നമ്പർ റോജർ ഫെഡററുടെ ജയങ്ങൾക്കൊപ്പം സെർബിയൻ താരമെത്തി നിൽക്കുകയാണ്. ആകെ 70 ജയങ്ങളെന്ന ഫെഡററുടെ നേട്ടത്തിനൊപ്പമാണ് ജോക്കോവിച്ചും എത്തിയിരിക്കുന്നത്.
ഇന്നലെ നടന്ന മത്സരത്തിൽ ജോക്കോവിച്ച് റിച്ചാർഡ് ബെറാൻകിൻസിനെയാണ് തോൽപ്പിച്ചത്. 6-1, 6-2, 6-2 എന്ന നിലയിൽ നേരിട്ടുള്ള സെറ്റുകൾക്കാണ് ജോക്കോവിച്ചിന്റെ ജയം. 12 തവണ ഫ്രഞ്ച് ഓപ്പൺ നേടിയ റഫേൽ നദാലിന്റെ തൊട്ടുപുറകിലാണ് ജോക്കോവിച്ച് എത്തിനിൽക്കുന്നത്.
കഴിഞ്ഞ മാസം യു.എസ്.ഓപ്പണിൽ അയോഗ്യനാക്കപ്പെട്ട ജോക്കോവിച്ച് പിന്നീട് നടന്ന ഇറ്റാലിയൻ ഓപ്പണിൽ കിരീടം ചൂടിയാണ് കളിമൺ കോർട്ടിലേക്ക് എത്തിയത്. കാണികളെ സെന്റർ കോർട്ടിൽ പ്രവേശിപ്പിക്കുന്നതിനാൽ ജോക്കോവിച്ചും ആവേശത്തിലാണ് മത്സരം പൂർത്തിയാക്കിയത്.
