മലയാള ഹിറ്റ് സിനിമകളില്‍ വളരെ മുന്‍ നിരയില്‍ നില്‍ക്കുന്ന ഒരു സിനിമയാണ് മണിച്ചിത്രത്താഴ്. ഫാസില്‍ സംവിധാനം ചെയ്ത ഈ സിനിമ ഏറെ പ്രേക്ഷക ശ്രദ്ധയാകര്‍ഷിച്ചിരുന്നു. സിനിമയിലെ ഓരോ കഥാപാത്രങ്ങളും ഇന്നും പ്രേക്ഷകരുടെ മനസ്സില്‍ മായാതെ കിടക്കുന്നു. അത്രത്തോളം മികച്ച അഭിനയമാണ് സിനിമയിലെ താരങ്ങളെല്ലാം തന്നെ കാഴ്ച വെച്ചത്. എന്നാല്‍ ഈ സിനിമയില്‍ നാം കാണാത്ത എന്നാല്‍ സിനിമയുടെ കാതലായ ഒരു കഥാപാത്രമാണ് നാഗവല്ലി. ഗംഗ എന്ന കഥാപാത്രത്തിനു വരുന്ന ഭാവ മാറ്റത്തിലൂടെയാണ് നാഗവല്ലിയെ അറിയുന്നത്. എന്നാല്‍ നാഗവല്ലി എന്ന കഥാപാത്രത്തെ പ്രേക്ഷകര്‍ ഇന്നും മറക്കാത്തതിനു കാരണം നാഗവല്ലിയുടെ തീഷ്ണമായ ഡയലോഗുകളാണ്.
നാഗവല്ലി എന്ന കഥാപാത്രത്തിനു ശബ്ദം നല്‍കിയത് സിനിമയില്‍ ഗംഗ എന്ന കഥാപാത്രത്തിനു ശബ്ദം നല്‍കിയ ഭാഗ്യലക്ഷ്മി തന്നെയാണ് എന്നാണ് മിക്ക മലയാളി പ്രേക്ഷകരും വിചാരിച്ചിരുന്നത്. എന്നാല്‍ തമിഴ് ഡബ്ബിങ് ആര്‍ട്ടിസ്റ്റായ ദുര്‍ഗയാണ് മണിച്ചിത്രത്താഴില്‍ നാഗവല്ലിക്ക് ശബ്ദം കൊടുത്തത്. വര്‍ഷങ്ങള്‍ക്കിപ്പുറമാണ് ചിത്രത്തിന്റെ സംവിധായകനായ ഫാസില്‍ ആ കാര്യം തുറന്നു പറഞ്ഞത്. എന്നാല്‍ ഇപ്പോള്‍ വീണ്ടും ഈ വിഷയം ചര്‍ച്ചയായി മാറിയിക്കുകയാണ്. നാഗവല്ലിക്ക് ശബ്ദം കൊടുത്ത ദുര്‍ഗ്ഗയെ പരിചയപെടുത്തി കൊണ്ടുളള ഒരു വീഡിയോ പുറത്തുവന്നതോടെയാണ് ഇപ്പോള്‍ ഇത് വീണ്ടും വിഷയമായത്.
മണിച്ചിത്രത്താഴ് എന്ന സിനിമയില്‍ ഗംഗയുടെ ശബ്ദത്തേക്കാള്‍ ഏറെ കൈയ്യടി നേടിയത് നാഗവല്ലിയുടെ ശബ്ദത്തിനായിരുന്നു. അത് ചെയ്ത ഭാഗ്യലക്ഷ്മിയെ ഒരുപാട് ആരാധകര്‍ പ്രശംസിക്കുകയും ചെയ്തു. എന്നാല്‍ അത് ചെയ്തത് താനല്ലെന്നും. ഈ പ്രശംസ താന്‍ അര്‍ഹിക്കുന്നില്ല എന്നും ഒരിക്കല്‍ പോലും ഭാഗ്യലക്ഷ്മി പറഞ്ഞിട്ടില്ല. തനിക്ക് അര്‍ഹതയില്ലാത്ത കൈയ്യടി മുഴുവന്‍ അവര്‍ ഏറ്റുവാങ്ങിയിരുന്നു. ഒരുപാട് ആരാധകരും താരങ്ങളും ഈ വൈറല്‍ വീഡിയോയെ കുറിച്ചുളള തങ്ങളുടെ അഭിപ്രായങ്ങള്‍ സോഷ്യല്‍ മീഡിയയിലൂടെ പങ്കുവയ്‌ക്കുന്നുണ്ട്.
