തൃശ്ശൂർ: തൃശ്ശൂർ കുന്ദംകുളത്ത് പുതുശ്ശേരിയിൽ സി. പി. എം ബ്രാഞ്ച് സെക്രട്ടറിയെ കൊലപ്പെടുത്തിയതിലെ പ്രധാനപ്രതി പ്രദേശത്തെ അറിയപ്പെടുന്ന സിപിഎം നേതാവാണെന്ന് ബിജെപി സംസ്ഥാന പ്രസിഡണ്ട് കെ.സുരേന്ദ്രൻ. കൊലചെയ്യപ്പെട്ടത് സി. പി. എമ്മിനകത്തെ ഗുണ്ടാസംഘങ്ങളുടെ കുടിപ്പകയെത്തുടർന്നാണെന്നും സുരേന്ദ്രൻ വ്യക്തമാക്കി.
ഫെയ്സ്ബുക്ക് പോസ്റ്റിലൂടെയാണ് കുന്ദംകുളം കൊലപാതകത്തിൽ സിപിഎം നടത്തുന്ന കള്ളപ്രചാരണങ്ങൾക്കെതിരെ സുരേന്ദ്രൻ വിമർശനമുന്നയിച്ചത്. ഈ വിഷയത്തിൽ കള്ളപ്രചാരണം അവസാനിപ്പിച്ചില്ലെങ്കിൽ ശക്തമായ നിയമനടപടി സ്വീകരിക്കുമെന്നും സുരേന്ദ്രൻ താക്കീത് നൽകി.
അർദ്ധരാത്രിയിൽ സ്വന്തം വീടിന് ഏഴുകിലോമീറ്റർ അകലെയാണ് കൊല നടന്നത്. വസ്തുത മറച്ചുവെക്കാനാണ് സി. പി. എം സെക്രട്ടറി കോടിയേരിയും മന്ത്രി മൊയ്തീനും കുറ്റം സംഘപരിവാറിന്റെ തലയിൽ കെട്ടിവെക്കുന്നത്. കുറ്റം ചെയ്തവർക്കെതിരെ ശക്തമായ നടപടിക്കാണ് സർക്കാർ തയ്യാറാവേണ്ടത്.
https://www.facebook.com/KSurendranOfficial/posts/3413099388774673
