ആരാധകരെല്ലാം ഏറെ ആവേശത്തോടെ കാത്തിരിക്കുന്ന ചിത്രമാണ് മോഹൻലാൽ നായകനായെത്തുന്ന ദൃശ്യം 2. സൂപ്പർഹിറ്റായ ആദ്യ ഭാഗത്തിന് ശേഷം വീണ്ടും പ്രേക്ഷകരുടെ മുന്നിലേക്കെത്താനൊരുങ്ങുകയാണ് ജോർജുകുട്ടിയും കുടുംബവും. ദൃശ്യം 2 വിന്റെ ചിത്രീകരണം പുരോഗമിക്കുന്നതിനൊപ്പം ചിത്രത്തെ സംബന്ധിച്ചുള്ള ഓരോ വാർത്തകളും വിശേഷങ്ങളും സാമൂഹ്യ മാദ്ധ്യമങ്ങളിൽ ചർച്ചയാകാറുണ്ട്. അത്തരത്തിൽ സാമൂഹ്യ മാദ്ധ്യമങ്ങളിൽ വൈറലാകുകയാണ് കുടുംബസമേതമുള്ള ജോർജു കുട്ടിയുടെ ഫോട്ടോ.
മലയാളികളുടെ സ്വന്തം ലാലേട്ടൻ തന്നെയാണ് ചിത്രം തന്റെ ഫേസ്ബുക്ക് പേജിലൂടെ പങ്കുവെച്ചിരിക്കുന്നത്. ജോർജു കുട്ടിയും കുടുംബവും എന്ന് അടിക്കുറിപ്പോടെ പങ്കുവെച്ചിരിക്കുന്ന ചിത്രത്തിൽ മോഹൻലാലിനൊപ്പം മീനയും അൻസിബയും എസ്തറുമുണ്ട്. നിരവധി പേരാണ് ചിത്രത്തിന് താഴെ കമന്റുകളുമായെത്തിയിരിക്കുന്നത്. അച്ഛനും അമ്മയും ചെറുപ്പമായെന്നും കുട്ടികൾ വലുതായെന്നുമൊക്കെയാണ് ആരാധകർ ചിത്രത്തിന് താഴെ കമന്റ് ചെയ്യുന്നത്. ചിത്രത്തിന് ആശംസകൾ നേർന്നും നിരവധി പേർ എത്തുന്നുണ്ട്.
സംവിധായകൻ ജിത്തു ജോസഫും ജോർജു കുട്ടിയുടെ കുടുംബത്തോടൊപ്പമുള്ള ഫോട്ടോ പങ്കുവെയ്ക്കുന്നുണ്ട്. ചിത്രത്തിന്റെ ലൊക്കേഷനിൽ നിന്നും എടുത്ത ഫോട്ടോയാണ് സംവിധായകൻ പങ്കുവെയ്ക്കുന്നത്. ആറു വർഷത്തിന് ശേഷം ജോർജു കുട്ടിയ്ക്കും കുടുംബത്തിനുമൊപ്പം എന്ന് ചിത്രത്തിന് താഴെ ജിത്തു ജോസഫ് കുറിച്ചിട്ടുണ്ട്.
Georgekutty and Family… #Drishyam2
Posted by Mohanlal on Monday, October 5, 2020
With Georgekutty and family after 6 years….😍😍😍Picture courtesy Bennet_M_Varghese
Posted by Jeethu Joseph on Sunday, October 4, 2020
