പാരീസ്: റഫേല് നദാല് ഫ്രഞ്ച് ഓപ്പണ് ഫൈനലില് കടന്നു. സെമിയില് അര്ജ്ജന്റീനയുടെ ഡീഗോ ഷ്വാറ്റ്സ്മാനെ നേരിട്ടുള്ള സെറ്റുകള്ക്കാണ് സ്പാനിഷ് താരം തോല്പ്പിച്ചത്. ആദ്യ രണ്ടു സെറ്റും 6-3,6-3 എന്ന നിലയില് സ്വന്തമാക്കിയ നദാലിനെതിരെ ഷ്വാറ്റ്സ്മാന് മൂന്നാം സെറ്റില് ശക്തമായ തിരിച്ചുവരവാണ് നടത്തിയത്. സ്കോര് 6-6ന് എത്തിച്ച ശേഷമാണ് നദാല് 7-6ന് ടൈബ്രേക്കറില് മത്സരം സ്വന്തമാക്കിയത്.
ഫൈനലില് ജോക്കോവിച്ച്- സിറ്റ്സിപാസ് മത്സരത്തിലെ വിജയിയേയാണ് കളിമണ് കോര്ട്ടിലെ കരുത്തന് നേരിടേണ്ടിവരിക. 13-ാം ഫ്രഞ്ച് ഓപ്പണ് കിരീടമാണ് നദാല് ലക്ഷ്യമിടുന്നത്. സീസണിലെ യു.എസ്.ഓപ്പണില് കളിക്കാതെയാണ് നദാല് ഫ്രഞ്ച് ഓപ്പണിനായി തയ്യാറെടുത്തത്.
Comments