പൂനെ: ഇന്ത്യന് കായികമേഖലയിലെ റോവിംഗ് വിഭാഗവും പൂനെയില് ഒളിമ്പിക്സ് പരിശീലനം ആരംഭിച്ചു. പൂനെയിലെ കരസേനാ ക്യാമ്പിലെ തടാകത്തിലാണ് സ്പോര്ട്ട്സ് അതോറിറ്റിയുടെ നേതൃത്വത്തില് പരിശീലനം നടക്കുന്നത്. ഈ മാസം 1-ാം തീയതി മുതലാണ് ഇന്ത്യന് റോവിംഗ് അസോസിയേഷന്റെ കീഴില് ഒളിമ്പിക്സ് പരിശീലനം ആരംഭിച്ചത്. കൊറോണ ലോക്ഡൗണിന് ശേഷം ഔദ്യോഗികമായി ദേശീയ പരിശീലനം പുന:രാരംഭിച്ചതിന്റെ ആവേശത്തിലാണ് കായിക താരങ്ങള്.ജനുവരി വരെ നാലുമാസമാണ് ഒളിമ്പിക്സ് പരിശീലനം തുടര്ച്ചയായി നടക്കുക. ആകെ 12 പുരുഷ താരങ്ങളാണ് പരിശീലനത്തിനുള്ളത്.
പഞ്ചാബില് നിന്നുള്ള താരങ്ങളാണ് ദേശീയ ടീമില് കൂടുതലായി ഉള്ളത്. വ്യക്തിഗത ഇനമായ സ്ക്കള്ളിലും രണ്ടുപേര് പങ്കെടുക്കുന്ന റോവിംഗിലെ സ്ക്കളിലുമാണ് നിലവില് ഇന്ത്യന് സംഘം തയ്യാറെടുക്കുന്നത്. ടോക്കിയോ ഒളിമ്പിക്സ് 2021ലേക്കാണ് മാറ്റിയിരിക്കുന്നത്. 2022 ലേക്ക് മാറാനും സാധ്യതയുണ്ട്. യോഗ്യതാ മത്സരങ്ങളെല്ലാം അടുത്തവര്ഷം നടക്കും.
