കാബൂള്: സമാധാന ശ്രമങ്ങളെ തകിടം മറിക്കുന്ന താലിബാന് ഭീകരര്ക്കെതിരെ അഫ്ഗാന് സേന ആക്രമണം ശക്്തമാക്കി. ഇന്ന് രാവിലെ നടന്ന ഏറ്റുമുട്ടലില് 20 ഭീകരെ വധിച്ചതായി അഫ്ഗാനിലെ ദേശീയ മാദ്ധ്യമങ്ങള് റിപ്പോര്ട്ട് ചെയ്തു. ഭീകരവിരുദ്ധ ആക്രമണങ്ങളില് 6 പേര്ക്ക് ഗുരുതരമായി പരിക്കേറ്റതായും റിപ്പോര്ട്ടുണ്ട്.
ഖാണ്ഡഹാറിലെ മായിവാന്ത് ജില്ലയിലിലാണ് ഭീകരര്ക്കെതിരെ അഫ്ഗാന് സേന ആക്രമണം അഴിച്ചുവിട്ടത്.കഴിഞ്ഞ ദിവസം ഒരു പോലീസുദ്യോഗസ്ഥനും നാല് പ്രദേശവാസികളും ഭീകരരുടെ ബോംബാക്രമണത്തില് കൊല്ലപ്പെട്ടിരുന്നു. അന്നു മുതല് നടത്തുന്ന ശക്തമായ റെയ്ഡിനിടെയാണ് ഭീകരരുടെ താവളങ്ങള്ക്ക് നേരെ അഫ്ഗാന് സേന പ്രത്യാക്രമണം നടത്തിയത്.
