ന്യൂഡൽഹി : പ്രതിരോധ മേഖലയിൽ വീണ്ടും നേട്ടം കൊയ്ത് ഇന്ത്യ. യുദ്ധ കപ്പലായ എൻഎസ് കോരയിൽ നിന്നുള്ള കപ്പൽ വേധ മിസൈലിന്റെ പരീക്ഷണം വിജയകരമായി പൂർത്തിയാക്കി. ബംഗാൾ ഉൾക്കടലിൽവെച്ചയിരുന്നു നാവിക സേനയുടെ പരീക്ഷണം.
ലക്ഷ്യത്തെ കൃത്യതയോടെ തകർത്താണ് മിസൈൽ പരീക്ഷണം വിജയകരമായി പൂർത്തിയാക്കിയത്. ലക്ഷ്യമായി സ്ഥാപിച്ച കപ്പൽ മിസൈലിന്റെ പ്രഹരത്തിൽ പൂർണ്ണമായും തകർന്നതായി നാവിക സേന വൃത്തങ്ങൾ അറിയിച്ചു. ഇതിന്റെ ചിത്രങ്ങളും നാവിക സേന പുറത്തുവിട്ടിട്ടുണ്ട്.
കഴിഞ്ഞ ആഴ്ചയും കപ്പൽ വേധ മിസൈലിന്റെ പരീക്ഷണം വിജയകരമായി പൂർത്തിയാക്കിയിരുന്നു. തദ്ദേശീയമായി നിർമ്മിച്ച യുദ്ധക്കപ്പലായ ഐഎൻഎസ് പ്രബലിൽ നിന്നും നടത്തിയ പരീക്ഷണമാണ് വിജയിച്ചത്.
സൈനിക പരിശീലനത്തിന്റെ ഭാഗമായിരുന്നു കപ്പലിൽ നിന്നുള്ള മിസൈലിന്റെ വിക്ഷേപണം. പരമാവധി അകലത്തിൽ സ്ഥാപിച്ച പഴയ കപ്പൽ മിസൈൽ കൃത്യതയോടെ തകർത്തു. അറബിക്കടലിൽവെച്ചായിരുന്നു ഐഎൻഎസ് പ്രബലിൽ നിന്നും മിസൈൽ വിക്ഷേപിച്ചത്.
