കോഴിക്കോട് : 1947 ഓഗസ്റ്റിൽ മലപ്പുറത്ത് നടന്ന ക്രൂരമായ നരഹത്യ പുസ്തകമാകുന്നു. എഴുത്തുകാരനും ചരിത്ര ഗവേഷകനുമായ തിരൂർ ദിനേശ് ആണ് ഹിന്ദു സംസ്കാരത്തെ പുൽകിയതിന് മതതീവ്രവാദികൾ വധിച്ച രാമസിംഹന്റെ കഥ ജീവചരിത്ര നോവലായി മലയാളത്തിന് സമർപ്പിക്കുന്നത്.
രാമസിംഹൻ വധത്തിന്റെയും, 1921 ലെ മാപ്പിള ലഹളയിലൂടെ നടന്ന ഹിന്ദു വംശഹത്യയുടേയും ചരിത്രം ആധികാരികമായി പറയുന്ന നോവലിന് അവതാരികയെഴുതിയിരിക്കുന്നത് കാസർഗോഡ് കേന്ദ്രസർവ്വകലാശാല ഡീനും മുൻ പ്രൊ വൈസ് ചാൻസലറുമായ ഡോ.ജയപ്രസാദ് ആണ്.
മാപ്പിളലഹളയുടെ ആധികാരിക ചരിത്രം, തകർക്കപ്പെട്ട ക്ഷേത്രങ്ങൾ എന്ന ചരിത്ര പരമ്പര തുടങ്ങിയ ആധികാരികമായ രചനകളിലൂടെ ശ്രദ്ധേയനായ എഴുത്തുകാരനാണ് തിരൂർ ദിനേശ്. എഴുത്തച്ഛൻ, ശങ്കരാചാര്യർ, പൂന്താനം, അയ്യൻകാളി എന്നിവരുടെയൊക്കെ ജീവിതത്തെ ആധാരമാക്കി അദ്ദേഹം എഴുതിയ നോവലുകൾ ഏറെ നിരൂപകശ്രദ്ധ നേടിയിട്ടുണ്ട്.
ഡിസംബർ 6 നു ഷൊർണൂരിൽ വെച്ചാണ് പുസ്തകം പ്രസിദ്ധീകരിക്കാൻ തീരുമാനിച്ചിരിക്കുന്നത്. കുറഞ്ഞ നാളുകൾ കൊണ്ടു തന്നെ പ്രസാധന രംഗത്ത് ശ്രദ്ധിക്കപ്പെട്ട കോഴിക്കോട് ആസ്ഥാനമായ വേദ ബുക്സാണ് 304 പേജുകളുള്ള പുസ്തകം പ്രസിദ്ധീകരിക്കുന്നത്.
Comments