ഭോപ്പാല്: മധ്യപ്രദേശില് കിണറില്വീണ് കുട്ടിയെ രക്ഷിക്കാന് ശ്രമം പുരോഗമിക്കുന്നു. 58 അടി താഴ്ചയിലേക്കാണ് കുട്ടി വീണിരിക്കുന്നത്. സൈന്യമാണ് രക്ഷാ പ്രവര്ത്തനത്തിന് നേതൃത്വം നല്കുന്നത്. കിണറിന് സമാനന്തരമായി മറ്റൊരു കിണര് കുഴിച്ച് രക്ഷാപ്രവര്ത്തനം നടത്തുകയാണ്. സേതുപുരാബാഡാല ഗ്രാമത്തിലെ പൃഥ്വിപൂര് മേഖലയിലാണ് സംഭവം നടന്നത്.
ഉപേക്ഷിക്കപ്പെട്ട കുഴല്ക്കിണറിലേക്കാണ് കുട്ടി കാല്വഴുതി വീണത്. ജില്ലാ കളക്ടറുടെ നേതൃത്വത്തില് അഗ്നിശമന സേനയും മറ്റ് രക്ഷാ പ്രവര്ത്തകരും സൈന്യത്തിനൊപ്പം പരിശ്രമം തുടരുകയാണ്. ആരോഗ്യരക്ഷാ പ്രവര്ത്തകര് കുട്ടിക്ക് കിണറിലേക്ക് ഓക്സിജന് എത്തിക്കുന്ന പ്രവര്ത്തനവും വെള്ളവും ‘ ട്യൂബ് വഴി എത്തിച്ചുകൊണ്ടിരിക്കുകയാണ്.
