കാലിഫോര്ണിയ: വാട്ട്സ് ആപ്പ് വഴി പണമിടപാടുകള് ഫേസ്ബുക്ക് ഉപഭോക്താക്കള്ക്ക് സൗജന്യമായി നടത്താമെന്ന് മാര്ക്ക് സുക്കര്ബര്ഗ്. കേന്ദ്രസര്ക്കാറിന്റെ നിയന്ത്രണങ്ങളുമായി ബന്ധപ്പെട്ട് നാഷണല് പെയ്മന്റ്സ് കോര്പ്പറേഷന് ഓഫ് ഇന്ത്യയുടെ ഡിജിറ്റല് പണമിടപാടിലെ നിയന്ത്രണങ്ങളോട് പ്രതികരിക്കുകയായിരുന്നു ഫേസ്ബുക്ക് മേധാവി.
ഇന്ത്യയിലേതടക്കം ലോകത്തെ 140 ബാങ്കുകളുമായി ബന്ധപ്പെടുത്തിയാണ് വാട്ടസ്ആപ്പ് മണി എക്സ്ചേഞ്ച് സംവിധാനം തീരുമാനിച്ചതെന്ന് സുക്കര്ബര്ഗ് അറിയിച്ചു. ഇനി നിങ്ങള്ക്ക് സ്വന്തക്കാര്ക്കും സുഹൃത്തുക്കള്ക്കും വാട്സ് ആപ്പ് വഴി പണമിടപാട് നടത്താം. ഒരു സന്ദേശം അയക്കുന്നപോലെ ലളിതവും സുരക്ഷിതവുമായിട്ടാണ് സേവനം നല്കുകയെന്നും സുക്കര്ബര്ഗ് പറഞ്ഞു. ഇടപാടുകള്ക്ക് യാതൊരു വിധ ഫീസുകളും ഇടാക്കില്ല. 140 ബാങ്കുകളെയാണ് വാട്സ് ആപ്പുമായി ബന്ധപ്പെടുത്തിയിട്ടുള്ളത്. തികച്ചും സുരക്ഷിതവും സ്വകാര്യത പൂര്ണ്ണമായും ഉറപ്പുവരുത്തിയാണ് ഇടപാട് സംവിധാനം നിലവില് ഒരുക്കിയിട്ടുള്ളതെന്നും സുക്കര്ബര്ഗ് പറഞ്ഞു.
