പാറ്റ്ന: ബീഹാറിലെ തെരഞ്ഞെടുപ്പിലെ മൂന്നാം ഘട്ടം ആരംഭിച്ചു. 78 നിയമസഭാ മണ്ഡലങ്ങളിലെ വോട്ടര്മാരാണ് ഇന്ന് പോളിംഗ് ബൂത്തിലെത്തുന്നത്. ആകെ രണ്ട് കോടി മുപ്പത്തിയഞ്ച് ലക്ഷം ജനങ്ങളാണ് ഇന്ന് വോട്ട് രേഖപ്പെടുത്താനുള്ളത്. ആകെ 1204 സ്ഥാനാര്ത്ഥികളാണ് മത്സരിക്കുന്നത്. രാവിലെ 7 മണി മുതല് വോട്ടെടുപ്പ് ആരംഭിച്ചതായി സംസ്ഥാന തെരഞ്ഞെടുപ്പ് കമ്മീഷന് അറിയിച്ചു.
ഇന്ന് നടക്കുന്ന തെരഞ്ഞെടുപ്പില് രാഷ്ട്രീയ ജനതാദളിന്റെ 46 സ്ഥാനാര്ത്ഥികളാണ്
മത്സരിക്കുന്നത്. ലോക് ജനശക്തി പാര്ട്ടിയുടെ 42 സ്ഥാനാര്ത്ഥികളും ജനതാദള് യുണൈറ്റഡിന്റെ 37 പേരും ബി.ജെ.പിയുടെ 35 ഉം കോണ്ഗ്രസ്സിന്റെ 25 പേരും ഇന്ന് ജനവിധി തേടുകയാണ്. മന്ത്രിസഭയിലുണ്ടായിരുന്ന 8 പേര് ഇന്ന് മത്സരരംഗത്തുണ്ട്.
ബീഹാറിലെ ആദ്യ ഘട്ട തെരഞ്ഞെടുപ്പില് 71 നിയമസഭാണ്ഡലങ്ങളിലും രണ്ടാം ഘട്ടത്തില് 94 മണ്ഡലങ്ങളിലും വോട്ടെടുപ്പ് പൂര്ത്തിയായി. ഒക്ടോബര് 28നും നവംബര് 3നുമാണ് തെരഞ്ഞെടുപ്പ് നടന്നത്. വോട്ടെണ്ണലും ഫലപ്രഖ്യാപനവും 10-ാം തീയതി നടക്കും. ആദ്യ ഘട്ടത്തില് 55.69 ശതമാനവും 53.51 ശതമാനവും വോട്ടിംഗാണ് രേഖപ്പെടുത്തിയത്.
Comments