ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 50,357 പേർക്ക് കൂടി കൊറോണ സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 84,62,081 ആയി. ആരോഗ്യമന്ത്രാലയത്തിന്റെ കണക്കുകൾ അനുസരിച്ച് നിലവിൽ 5,16,632 പേർ ചികിത്സയിലാണ്. 53,920 പേരാണ് കഴിഞ്ഞ ദിവസം രോഗമുക്തി നേടി ആശുപത്രി വിട്ടത്. ഇതോടെ ആകെ രോഗമുക്തി നേടിയവരുടെ എണ്ണം 78,19,887ആയി.
അതേസമയം രാജ്യത്ത് 24 മണിക്കൂറിനിടെ 577 പേർ കൂടി രോഗം ബാധിച്ച് മരിച്ചു. രാജ്യത്തെ ആകെ കൊറോണ മരണങ്ങൾ 1,25,562 ആയി. കഴിഞ്ഞ കുറച്ച് ദിവസങ്ങളിലായി രാജ്യത്ത് റിപ്പോർട്ട് ചെയ്യുന്ന കൊറോണ മരണങ്ങളിലും കുറവ് അനുഭവപ്പെട്ടിരുന്നു.
24 മണിക്കൂറിനിടെ 11,13,209 സാമ്പിളുകളാണ് പരിശോധിച്ചത്. ഇതോടെ നടത്തിയ പരിശോധനകളുടെ എണ്ണം 11,65,42,304 ആയി ഉയർന്നെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് വ്യക്തമാക്കി. പരിശോധനയിൽ വർദ്ധനവ് വരുത്തിയതോടെ റിപ്പോർട്ട് ചെയ്യുന്ന കൊറോണ കേസുകളിലും വർദ്ധനവ് ഉണ്ടായിട്ടുണ്ട്.
Comments