കോഴിക്കോട്: മുൻ എംഎൽഎയും മുസ്ലീം ലീഗ് സംസ്ഥാന വൈസ് പ്രസിഡന്റുമായ സി മോയിൻകുട്ടി(77) അന്തരിച്ചു. കരൾ സംബന്ധമായ അസുഖത്തെ തുടർന്ന് കുറച്ച് മാസങ്ങളായി കിടപ്പിലായിരുന്നു. കബറടക്കം തിങ്കളാഴ്ച ഉച്ചയ്ക്ക് ഒരു മണിക്ക് അണ്ടോണ ജമാഅത്ത് ഖബർസ്ഥാനിൽ.
തിരുവമ്പാടി, കൊടുവള്ളി നിയോജകമണ്ഡലങ്ങലിൽ നിന്നായി രണ്ട് തവണ മോയിൻകുട്ടി തെരഞ്ഞെടുക്കപ്പെട്ടിട്ടുണ്ട്. 1996ൽ കൊടുവള്ളിയിൽ നിന്ന് ജയിച്ചു. താമരശ്ശേരി പഞ്ചായത്ത് മുൻ പ്രസിഡന്റുമായിരുന്നു. 2001- 2006, 2011-16 കാലത്തും തിരുവമ്പാടി മണ്ഡലത്തെ പ്രതിനിധീകരിച്ചു.
പിതാവ്: പരേതനായ പിസി അഹമ്മദ് കുട്ടി ഹാജി. മാതാവ്: കുഞ്ഞിമാച്ച, ഭാര്യ: പയേരി കദീജ, മക്കൾ: അൻസാർ അഹമ്മദ്, മുബീന, ഹസീന.
