തിരുവനന്തപുരം: പ്രണയബന്ധത്തില്‍ നിന്ന് പിന്മാറിയതിനെ തുടര്‍ന്ന് യുവതിയെ ട്രെയിനിലും വീട്ടിലും വെച്ച് മര്‍ദിച്ചെന്ന് പരാതി. സംഭവത്തില്‍ വര്‍ക്കല ശിവഗിരി സ്വദേശി ബോബിക്കെതിരെ വര്‍ക്കല പൊലീസ് കേസെടുത്തു. ഒക്ടോബര്‍ ഒന്‍പതിന് രാത്രിയാണ് വര്‍ക്കല റെയില്‍വേ സ്റ്റേഷനില്‍ സംഭവം നടന്നതെന്നാണ് പരാതി.
ട്രെയിനില്‍ യാത്ര ചെയ്യുന്നതിനിടെ യുവതിയുടെ കൈവശമുണ്ടായിരുന്ന മൊബൈല്‍ ഫോണ്‍ ബോബി പിടിച്ചുവാങ്ങിയെന്നാണ് ആരോപണം. പ്ലാറ്റ്ഫോമില്‍ വെച്ച് ഫോണ്‍ തിരികെ വാങ്ങാന്‍ ശ്രമിച്ചപ്പോള്‍ യുവതിയെ മര്‍ദിച്ചെന്നും തുടര്‍ന്ന് ഫോണ്‍ തകര്‍ത്തുവെന്നും പരാതിയില്‍ പറയുന്നു.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
പിന്നീട് ഫോണ്‍ തിരികെ വാങ്ങുന്നതിനായി യുവതി ബോബിയുടെ വീട്ടിലെത്തിയപ്പോഴും മര്‍ദനമുണ്ടായെന്നാണ് പരാതി. സംഭവത്തില്‍ കേസെടുത്ത വര്‍ക്കല പൊലീസ് അന്വേഷണം ആരംഭിച്ചു.
