കണ്ണൂർ: മുഴക്കുന്ന് മൃദംഗശൈലേശ്വരി ക്ഷേത്രത്തിലെ ആചാരലംഘനവുമായി ബന്ധപ്പെട്ട് ഹിന്ദു ഐക്യവേദി പ്രതിഷേധവുമായി രംഗത്ത്. നവരാത്രി മഹോത്സവത്തോടനുബന്ധിച്ച് നടന്ന ചടങ്ങിനിടെ മുഴക്കുന്ന് ഗ്രാമപഞ്ചായത്ത് പ്രസിഡന്റ് അഡ്വ. ജാഫർ നല്ലൂർ ക്ഷേത്രത്തിനുള്ളിൽ പ്രവേശിച്ചതാണ് പ്രതിഷേധത്തിന് ഇടയാക്കിയത്.
കഴിഞ്ഞ ദിവസമാണ് നവരാത്രി ഉത്സവത്തിന്റെ ഭാഗമായി നടന്ന പരിപാടിക്കിടെ പഞ്ചായത്ത് പ്രസിഡന്റ് ക്ഷേത്രത്തിനുള്ളിൽ പ്രവേശിച്ചത്. ക്ഷേത്രത്തിലെ ആചാരങ്ങൾ സംരക്ഷിക്കുന്നതിൽ വീഴ്ച വരുത്തിയ എക്സിക്യൂട്ടീവ് ഓഫീസർക്കെതിരെ നടപടി സ്വീകരിക്കണമെന്ന് ഹിന്ദു ഐക്യവേദി ആവശ്യപ്പെട്ടു. ക്ഷേത്രാചാരങ്ങൾ സംരക്ഷിക്കണമെന്നും ഇത്തരം കാര്യങ്ങളിൽ ഉത്തരവാദിത്തപ്പെട്ടവർ ജാഗ്രത പുലർത്തണമെന്നും സംഘടന ആവശ്യപ്പെട്ടു.
