മുഖ്യമന്ത്രിയുടെ നിയമസാധുത ചോദ്യം ചെയ്ത് ബി.ബി. ഗോപകുമാര്‍; നിയമസഭ പിരിച്ചുവിടണമെന്ന് ആവശ്യം

തിരുവനന്തപുരം: കേരള മുഖ്യമന്ത്രിയുടെ നിയമസാധുത ചോദ്യം ചെയ്ത് നിയമസഭയില്‍ ബിജെപി നിയമസഭാകക്ഷി നേതാവ് ബി.ബി. ഗോപകുമാര്‍. വോട്ടര്‍പട്ടികയിലെ ക്രമക്കേടുകള്‍ ചൂണ്ടിക്കാട്ടി മുഖ്യ തിരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെ നീക്കണമെന്ന് ആവശ്യപ്പെടുന്ന പ്രമേയത്തില്‍ ഭേദഗതി അവതരിപ്പിച്ചാണ് അദ്ദേഹം മുഖ്യമന്ത്രിയെ ചോദ്യം ചെയ്തത്. വോട്ടര്‍പട്ടിക പരിഷ്‌കരണത്തിലെ അപാകതകളാണ് പ്രമേയത്തില്‍ ഉന്നയിക്കുന്നതെങ്കില്‍ നിയമസഭ പിരിച്ചുവിടുകയാണ് വേണ്ടതെന്നും ഗോപകുമാര്‍ പറഞ്ഞു.

Don’t miss the latest breaking news and updates! Subscribe to Janam TV’s WhatsApp channel now…

https://whatsapp.com/channel/0029Va4LMqWE50UdrVhraq0y

സ്‌പെഷ്യല്‍ ഇന്റന്‍സീവ് റിവിഷന്‍ നടപടികളിലെ ക്രമക്കേടുകള്‍ ചൂണ്ടിക്കാട്ടിയാണ് മുഖ്യമന്ത്രി പ്രമേയം അവതരിപ്പിച്ചതെന്ന് അദ്ദേഹം ചൂണ്ടിക്കാട്ടി. വോട്ടര്‍പട്ടികയിലെ അപാകതകള്‍ കാരണം അര്‍ഹരായ നിരവധി പേരുകള്‍ ഒഴിവാക്കപ്പെട്ടെന്ന ആരോപണം നിലനില്‍ക്കുന്ന സാഹചര്യത്തില്‍, 2026-ലെ കേരള നിയമസഭാ തിരഞ്ഞെടുപ്പ് സാധുവാണോയെന്ന് മുഖ്യമന്ത്രി വ്യക്തമാക്കണമെന്നും ഗോപകുമാര്‍ ആവശ്യപ്പെട്ടു. തിരഞ്ഞെടുപ്പിന്റെ സാധുത അംഗീകരിക്കുന്നില്ലെന്ന് തുറന്നുപറയാന്‍ മുഖ്യമന്ത്രിയെ അദ്ദേഹം വെല്ലുവിളിച്ചു.