ന്യൂഡല്ഹി: ഐ.പി.എല്ലിലെ മികച്ച നായകനായി തിളങ്ങിയ രോഹിത് ശര്മ്മയെ അംഗീകരിക്കാന് മടിക്കുന്നതിനെതിരെ പ്രതിഷേധവുമായി ഗൗതം ഗംഭീര്. ഇന്ത്യന് ടെസ്റ്റ് ടീമിന്റെ നായകനായി എത്രയും വേഗം രോഹിത് ശര്മ്മയെ തീരുമാനിക്കണമെന്നാണ് ഗംഭീര് ബി.സി.സി.ഐയോട് ആവശ്യപ്പെട്ടിരിക്കുന്നത്. ടെസ്റ്റിനും ടി20യ്ക്കും രോഹിത് തന്റെ കഴിവ് തെളിയിച്ചിരിക്കുകയാണ്. ടീം ഇന്ത്യയുടെ യുവനിരയെ സ്വാഭാവികമായി നയിക്കാന് ഇതുപോലെ ഒരു താരം ആവശ്യമാണെന്നും ഗംഭീര് പറഞ്ഞു.
രോഹിതി ഇന്ത്യന് ടീമിന്റെ ക്യാപ്റ്റനായില്ലെങ്കില് നഷ്ടം രോഹിതിനല്ല, മറിച്ച് ടീം ഇന്ത്യയ്ക്കാണ്. ജയങ്ങളാണ് മാനദണ്ഡമെങ്കിലും രോഹിതിനെ നായകനാക്കണം. ധോണിയെപ്പോലെ വിജയതൃഷ്ണയുള്ള ഒരു താരമായതിനാലും സ്വയം മുന്നില് നിന്ന് നയിക്കുന്ന രോഹിതിനെ ഇനിയും മാറ്റിനിര്ത്തരുതെന്നും ഗംഭീര് പറഞ്ഞു. ഗംഭീറിന്റെ പരാമര്ശത്തില് വിരാട് കോഹ്ലി ഇതുവരെ ഒരു ഐ.പി.എല് കിരീടവും നേടിയില്ലെന്നതും ചൂണ്ടിക്കാണിച്ചിട്ടുണ്ട്.
രോഹിത് നയിച്ച മുംബൈ ഇന്ത്യന്സിന്റെ ഇത്തവണത്തെ പ്രകടനത്തിന്റെ മുഴുവന് ക്രെഡിറ്റും രോഹിതിന് അവകാശപ്പെട്ടതാണെന്നും ഗംഭീര് പറഞ്ഞു. രോഹിതിന്റെ നേതൃത്വത്തില് അഞ്ചു കിരീടം മുംബൈ നേടിക്കഴിഞ്ഞു. 2009ല് ഡക്കാണ് ചാര്ജ്ജേഴ്സിനായി കളിച്ച രോഹിത് ആദം ഗില് ക്രിസ്റ്റിന്റെ നായകത്വത്തിലാണ് രണ്ടാം സീസണിലെ കിരീടം സ്വന്തമാക്കിയത്.
