തിരുവനന്തപുരം : ബീഹാർ തെരഞ്ഞെടുപ്പിൽ മഹാഗഡ് ബന്ധൻ പരാജയപ്പെട്ടതിനു പിന്നാലെ ഒറ്റുകാർ ചാമ്പലായെന്ന പരിഹാസവുമായി നടൻ കൃഷ്ണകുമാർ . എക്സിറ്റ് പോളുകൾ പ്രതിപക്ഷത്തിന് അനുകൂലമായി വന്നപ്പോൾ ഇ വിഎം ആണ് ശരിഎന്ന് പറഞ്ഞവരാണ് വോട്ടെണ്ണിതീർന്നപ്പോൾ ഇ വിഎം ശരിയല്ല എന്ന് ആരോപിക്കുന്നത് .അതിനു കാരണം ഒന്നേയുള്ളൂ , കൂട്ടത്തോൽവി -കൃഷ്ണകുമാർ ഫെയ്സ്ബുക്ക് പോസ്റ്റിൽ പറയുന്നു.
വോട്ടെണ്ണൽ ദിവസം ഒളിവിൽ ആയിരുന്ന യുവരാജകുമാരന് . ബോധം വന്നോ എന്നറിയില്ല. മോദി എന്ന സൂര്യന്റെ മുന്നിൽ കത്തി ചാമ്പലായത് ചൈനക്കും പാകിസ്താനും വേണ്ടി കരയുന്ന ഒരു കൂട്ടം ഒറ്റുകാരാണ്. അതാണ് മോദി പ്രഭാവം കൃഷ്ണകുമാർ പറയുന്നു.
ഇത് സത്യത്തിന്റെ ജയം. വികസനത്തിന്റെ ജയം. ഭാരതത്തിന്റെ നന്മക്കും ഭാരതീയരുടെ ഉന്നമനത്തിനും വേണ്ടി ജീവിതം മാറ്റിവെച്ച ദേശസ്നേഹിയായ നമ്മുടെ സ്വന്തം പ്രധാനമന്ത്രിയായ നരേന്ദ്രമോദിയെ തെറി പറയും തോറും കൂടുതൽ സീറ്റുകളും, കൂടുതൽ വിജയങ്ങളും കിട്ടുന്ന ഒരു അത്ഭുത പ്രതിഭാസം ആയി മാറുകയാണ് ബിജെപിയെന്നും അദ്ദേഹം ഫെയ്സ്ബുക്ക് പോസ്റ്റിൽ പറയുന്നു.
അധികം വൈകാതെ ദക്ഷിണേന്ത്യൻ സംസ്ഥാനങ്ങളും ബിജെപി ഭരണത്തിൽ വരും മോദി പ്രഭാവത്തിൽ. കാത്തിരിക്കാം ആ നല്ല നാളുകൾക്കായി – ഇത്തരത്തിലാണ് ഫെയ്സ്ബുക്ക് പോസ്റ്റ് അവസാനിക്കുന്നത്.
Comments