ആഷ്ഹാബാദ്: വേട്ടനായയുടെ പ്രതിമ നഗരമദ്ധ്യത്തില് സ്ഥാപിച്ച് തുര്ക്കമേനിസ്താന്. അലാബേ നായവര്ഗ്ഗത്തില്പ്പെട്ട കരുത്തനായ വേട്ട നായയുടെ പ്രതിമയാണ് നഗരമദ്ധ്യേ സ്വര്ണ്ണ പ്രതിമയായി തലയുയര്ത്തി നില്ക്കുന്നത്. തുര്ക്ക്മേനിസ്താന് പ്രസിഡന്റ് ഗുര്ബാംഗുലീ ബെര്ഡിമൂഖാമേദേവാണ് തന്റെ പ്രിയങ്കര ഇനമായ അലാബേ നായവര്ഗ്ഗത്തോടുള്ള സ്നേഹം പ്രതിമ സ്ഥാപിച്ച് പ്രകടിപ്പിച്ചത്.
മുന്പും ഇതേ നായവര്ഗ്ഗത്തിനോടുള്ള സ്നേഹം ഗുര്ബാംഗുലീ പ്രകടിപ്പിച്ചിട്ടുണ്ട്. കഴിഞ്ഞവര്ഷം തുര്ക്മേനിസ്ഥാന്റെ തനത് നായവര്ഗ്ഗമായ അലാബേയുടെ പേരില് ഒരു പുസ്തകംതന്നെ പുറത്തിറക്കിയിരുന്നു. മധ്യേഷ്യന് മേഖലയിലെ കരുത്തനായ നായവര്ഗ്ഗമാണ് അലാബേ. പ്രധാന സര്ക്കാര് മന്ദിരങ്ങള് സ്ഥിതിചെയ്യുന്ന ചത്വരത്തിലാണ് പ്രതിമ സ്ഥാപിച്ചത്. പ്രതിമയുടെ താഴെയുള്ള ചുവരില് എല്.ഇ.ഡി സ്ക്രീന് സ്ഥാപിച്ച് നായവര്ഗ്ഗത്തിന്റെ സവിശേഷതകള് വിവരിക്കുന്ന ചിത്രങ്ങളും വീഡിയോ പ്രദര്ശനങ്ങളും പ്രദർശിപ്പിക്കുകയാണ്.
Comments