സാവോ പോളോ : ലോകകപ്പ് യോഗ്യതാ മത്സരത്തില് ബ്രസീലിന് മൂന്നാം ജയം. വെനസ്വേല യ്ക്കെതിരെ നിറംമങ്ങിയ മഞ്ഞപ്പടയ്ക്ക് സാംബാ താളം വീണ്ടെടുക്കാനായില്ല. എതിരില്ലാത്ത ഏക ഗോളിനാണ് ബ്രസീല് ജയം സ്വന്തമാക്കിയത്. റോബര്ട്ടോ ഫിര്മിനോവാണ് 67-ാം മിനിറ്റില് ഗോള് നേടിയത്. ബ്രസീലിനെതിരായ തോല്വിയോടെ വെനസ്വേല രണ്ടാം മത്സരത്തിലും തലകുനിക്കേണ്ടിവന്നിരിക്കുകയാണ്.
ഗ്രൂപ്പ് വിഭാഗത്തിലെ മൂന്നാം മത്സരത്തിനാണ് മുന് ലോകചാമ്പ്യന്മാരിറങ്ങിയത്. ഗ്രൂപ്പില് ആദ്യ മത്സരത്തില് ബൊളീവിയയെ 5-0ന് തകര്ത്ത ബ്രസീല് രണ്ടാം പോരാട്ടത്തില് പെറുവിനെതിരെ ജയം നേടിയത് 4-2നായിരുന്നു.
പ്രമുഖതാരങ്ങളില്ലാതെയിറങ്ങിയ ബ്രസീലിന്റെ നീക്കങ്ങളിലൊന്നും മികച്ച ഗോള് അവസര ങ്ങള് തുറന്നുകിട്ടിയില്ല എന്നതും ആരാധകരെ നിരാശരാക്കി.നെയ്മറടക്കം ഇന്നലെ പരിക്കുമൂലം നാലു താരങ്ങള്ക്കാണ് കളിക്കാനിറങ്ങാന് സാധിക്കാതെ വന്നത്. നെയ്മറി നൊപ്പം കാസേമിറോയും കളിച്ചില്ല. കൊറോണ കാരണമാണ് കളത്തിലിറങ്ങാനാകാതെ വന്നത്.
