ദീപാവലി: ലോകമെമ്പാടുമുളള ഹിന്ദുക്കള്‍ക്ക് ആശംസ അറിയിച്ച് ജോ ബൈഡനും കമലാ ഹാരിസും

വാഷിംഗ്ടൺ: ലോകമെമ്പാടും ദീപാവലി ആഘോഷിക്കുന്നവർക്ക് ആശംസകൾ നേർന്ന് നിയുക്ത യുഎസ് പ്രസിഡന്റ് ജോ ബൈഡനും വൈസ് പ്രസിഡന്റ് കമലാ ഹാരിസും. ദീപാവലി ആഘോഷിക്കുന്ന ലോകമെമ്പാടുമുള്ള ഹിന്ദുക്കൾക്ക് ആശംസകൾ നേരുന്നു എന്ന് ബൈഡൻ കുറിച്ചു. സുരക്ഷിതവും ആരോഗ്യകരവും സന്തോഷകരവുമായ ദീപാവലി ആശംസിക്കുന്നുവെന്ന് കമല ഹാരിസും കുറിച്ചു. ട്വിറ്ററിലൂടെയായിരുന്നു ഇരുവരും ആശംസ നേർന്നത്.

To the millions of Hindus, Jains, Sikhs, and Buddhists celebrating the Festival of Lights, @DrBiden and I send our best wishes for a #HappyDiwali. May your new year be filled with hope, happiness, and prosperity. Sal Mubarak.

— Joe Biden (@JoeBiden) November 14, 2020

Happy Diwali and Sal Mubarak! @DouglasEmhoff and I wish everyone celebrating around the world a safe, healthy, and joyous new year.

— Kamala Harris (@KamalaHarris) November 14, 2020

നേരത്തെ ദീപാവലി ആശംസകൾ നേർന്ന് അമേരിക്കൻ പ്രസിഡന്റ് ഡൊണാൾഡ് ട്രംപും എത്തിയിരുന്നു. അതിന് പിന്നാലെയാണ് ജോ ബൈഡനും കമലാ ഹാരിസും ആശംസകൾ നേർന്നത്. നിലവിളക്കിൽ തിരിതെളിയിക്കുന്ന ദൃശ്യത്തിനൊപ്പമായിരുന്നു ട്രംപിന്റെ ആശംസ.

ദീപാവലിയുടെ ഭാഗമായി പ്രസിഡന്റിന്റെ ഔദ്യോഗിക വസതിയായ വൈറ്റ് ഹൗസിൽ ആഘോഷ പരിപാടികൾ സംഘടിപ്പിച്ചു. ഇതിന്റെ ദൃശ്യങ്ങളും ട്രംപ് ട്വിറ്ററിൽ പങ്കുവെച്ചിട്ടുണ്ട്. നിലവിളക്കിൽ തിരിതെളിച്ചാണ് ട്രംപ് ആഘോഷ പരിപാടികൾക്ക് തുടക്കം കുറിച്ചത്. ആഘോഷപരിപാടിയിൽ ട്രംപിനൊപ്പം വൈറ്റ് ഹൗസിലെ മറ്റ് ഉദ്യോഗസ്ഥരും പങ്ക് ചേർന്നു.