ആരോഗ്യപരമായ ഗുണങ്ങളടങ്ങിയ ഒന്നാണ് നിലക്കടല. ശരീരഭാരം, ഹൃദ്രോഗ സാധ്യത കുറയ്‌ക്കല്‍ എന്നിവ ഉള്‍പ്പെടെയുള്ള പ്രധാന ഗുണങ്ങള്‍ നല്‍കുന്ന ഒന്നാണ് നിലക്കടല. അല്‍പം നിലക്കടല പതിവായി കഴിക്കുന്നതിലൂടെ ഒട്ടേറെ ആരോഗ്യ ഗുണങ്ങള്‍ ലഭിക്കുന്നു. ശരീരത്തിന് ആവശ്യമായ നിരവധി പോഷകങ്ങള്‍ നിലക്കടലയില്‍ അടങ്ങിയിട്ടുണ്ട്. പ്രോട്ടീന്‍, ഫൈബര്‍, പൊട്ടാസ്യം, ഫോസ്ഫറസ്, മഗ്നീഷ്യം, ബി വിറ്റാമിനുകള്‍ എന്നിവയാല്‍ സമ്പന്നമാണ് നിലക്കടല. അതുകൂടാതെ പികൊമാറിക് ആസിഡ്, ഐസോഫ്ളാവോണുകള്‍, റെസ്വെറാറ്റോള്‍, ഫൈറ്റിക് ആസിഡ്, ഫൈറ്റോസ്റ്റെറോളുകള്‍ എന്നിവ പോലുള്ള ഗുണകരമായ സസ്യ സംയുക്തങ്ങളും നിലക്കടലയില്‍ അടങ്ങിയിട്ടുണ്ട്. ഹൃദയാരോഗ്യത്തിന്റെ സംരക്ഷണത്തിന് ഏറെ ഉത്തമമായ ഒന്നാണ് നിലക്കടല. ഇതില്‍ അടങ്ങിയ കാര്‍ഡിയോ പ്രൊട്ടക്റ്റീവ് ഗുണങ്ങള്‍ രക്തചംക്രമണം മെച്ചപ്പെടുത്താന്‍ സഹായിക്കുന്നു.
അതിലൂടെ ഹൃദയ സംബന്ധമായ പ്രശ്നങ്ങളില്‍ നിന്ന് മുക്തി നേടാന്‍ സഹായിക്കുകയും ഹൃദ്രോഗ സാധ്യത കുറയ്‌ക്കുകയും ചെയ്യുന്നു. ശരീരഭാരം കുറയ്‌ക്കാനും നിലക്കടല ഏറെ സഹായകമാണ്. പോഷക ഘടകങ്ങള്‍ അടങ്ങിയ നിലക്കടല നമ്മുടെ മെറ്റബോളിസത്തെ വര്‍ദ്ധിപ്പിക്കുകയും കൂടുതല്‍ നേരം വിശപ്പുരഹിതമായി നിലനിര്‍ത്തുകയും ചെയ്യുന്നു. ഇത് അമിതമായി ഭക്ഷണം കഴിക്കുന്നത് തടയുകയും ശരീരഭാരം കുറയ്‌ക്കാന്‍ സഹായിക്കുകയും ചെയ്യുന്നു. കൂടാതെ കുതിര്‍ത്ത നിലക്കടല കഴിക്കുന്നത് ദഹനം മെച്ചപ്പെടുത്താനും സഹായിക്കുന്നു. ഇതിലടങ്ങിയ നാരുകള്‍ മലബന്ധം തടയുകയും ഉദരാരോഗ്യം പ്രോത്സാഹിപ്പിക്കുകയും ചെയ്യുന്നു.
ദഹനനാളത്തെ ക്രമപ്പെടുത്താന്‍ ദിവസവും അല്‍പം നിലക്കടല കഴിക്കുന്നത് വളരെ നല്ലതാണ്. ഇതിലൂടെ നടുവേദനയ്‌ക്കും ആശ്വാസം ലഭിക്കുന്നു. കാന്‍സര്‍ കോശങ്ങളുടെ വളര്‍ച്ച തടയുന്നതിലും ഏറെ സഹായിക്കുന്ന ഒന്നാണ് നിലക്കടല. ഇതിലടങ്ങിയ ആന്റിഓക്സിഡന്റുകള്‍ ഫ്രീ റാഡിക്കലുകളുമായി പോരാടാനും ശരീരത്തിലെ കാന്‍സര്‍ കോശങ്ങളുടെ വളര്‍ച്ച തടയാനും സഹായിക്കുന്നു. നിലക്കടലയിലെ ബീനാസിറ്റോസ്റ്റെറോള്‍ കാന്‍സറിനുള്ള സാധ്യത വളരെ വലിയ അളവില്‍ കുറയ്‌ക്കുന്നു. സ്തനാര്‍ബുദത്തിന്റെ വളര്‍ച്ചയെ ഇത് തടസ്സപ്പെടുത്തുന്നു. ആഴ്ചയില്‍ മൂന്നുതവണ നിലക്കടല കഴിക്കുന്നത് കാന്‍സര്‍ സാധ്യത കുറയ്‌ക്കാന്‍ സഹായിക്കുന്നു. എന്നാല്‍ നിലക്കടലയില്‍ കലോറി വളരെ കൂടുതലായതിനാല്‍ അമിതമായി കഴിക്കാന്‍ പാടില്ല.
