കൊച്ചി: നോക്കിയ 2 ശ്രേണിയുടെ പുതിയ എഡിഷനായ നോക്കിയ 2.4 വിപണിയിലേക്ക്. എഐ ക്യാമറ, രണ്ട് ദിവസം ബാറ്ററി ലൈഫ്, വലിയ എച്ച്ഡി പ്ലസ് സ്ക്രീൻ അങ്ങനെ നിരവധി ഫീച്ചറുകളുമായാണ് ഫോൺ എത്തുന്നത്. വില താരതമ്യേന വലരെ കുറവാണെന്നതും ശ്രദ്ധേയം. 3ജിബി/64ജിബി വേരിയന്റിന് 10,399 രൂപയാണ് വില.
ഫോട്ടോകളെ പുതിയ തലത്തിലേക്ക് എത്തിക്കും വിധം നൈറ്റ് മോഡും പോര്ട്ട്റൈറ്റ് മോഡും അടക്കമുള്ള നിര്മിത ബുദ്ധി സവിശേഷതകള് ലഭ്യമാക്കുന്നതാണ് ക്യാമറ. പുതുതലമുറ നോക്കിയ 2.4-ല് കൂടുതല് വലിയ ചിത്രം കൂടുതല് നേരത്തേക്കു കാണുകയും വലിയ 6.5 ഇഞ്ച് (16.5 സെന്റീമീറ്റര്) സ്ക്രീനില് പഠിക്കുകയും രൂപകല്പന ചെയ്യുകയുമാവാം. ഇതിന്റെ രണ്ടു ദിവസം നീണ്ടു നില്ക്കുന്ന ബാറ്ററി ആശങ്കകളില്ലാതെ ഗെയിമുകളും ആപ്പുകളും ദീര്ഘമായി ആസ്വദിക്കുവാന് സഹായിക്കുകയും ചെയ്യും. ആധുനിക കാലത്ത് ഒഴിവാക്കാനാവാത്ത ഫിംഗര് പ്രിന്റ് , ഫെയ്സ് അണ്ലോക്ക് സൗകര്യങ്ങള് അധിക സുരക്ഷയും പ്രദാനം ചെയ്യും.
ഇതിനു പുറമെ മൂന്നു വര്ഷത്തേക്ക് പ്രതിമാസ സുരക്ഷാ അപ്ഡേറ്റുകളും രണ്ടു വര്ഷത്തേക്ക് ഒഎസ് അപ്ഡേറ്റുകളും നല്കിക്കൊണ്ടാണ് നോക്കിയ 2.4 എത്തുന്നത്. ഈ ഫോണ് ആന്ഡ്രോയ്ഡ് 11-നും 12-നും തയ്യാറാണെന്നാണ് ഇതിലൂടെ വ്യക്തമാക്കുന്നത്. സവിശേഷമായ പുതുക്കിയ നോര്ഡിക് രൂപകല്പനയുമായാണ് നോക്കിയ 2.4 എത്തുന്നത്. ദീര്ഘകാലം നീണ്ടു നില്ക്കുന്നതും അതിന്റെ സവിശേഷതകളെ എടുത്തു കാട്ടുന്നതുമാണിത്. പുതിയ ബ്രാന്ഡ് ന്യൂ കണ്ടമ്പററി നിറങ്ങളായ ഡസ്ക്ക് ജോര്ഡ്, ചാര്ക്കോള് എന്നിവയും കമ്പനി അവതരിപ്പിച്ചിട്ടുണ്ട്.
Nokia.com/phones ല് മാത്രമായി 2020 നവംബര് 26 മുതല് നോക്കിയ 2.4 ലഭ്യമാണ്. നവംബര് 26-ന് ഉച്ചയ്ക്ക് 12 മണി മുതല് ഡിസംബര് നാലിന് രാത്രി 11.59 വരെ ഇവിടെ നിന്നു വാങ്ങുന്ന ആദ്യ 100 ഉപഭോക്താക്കള്ക്ക് 007 സ്പെഷല് എഡിഷന് ബോട്ടില്, ക്യാപ്, മെറ്റല് കീചെയിന് എന്നിവ അടങ്ങിയ 007 ഹാമ്പര് ലഭിക്കും. ഡിസംബര് നാലു മുതല് ആമസോണ്, ഫ്ലിപ്കാര്ട്ട് എന്നിവിടങ്ങളിലും രാജ്യത്തെ മുന്നിര റീട്ടെയില് ഔട്ട്ലെറ്റുകളിലും നോക്കിയ 2.4 ലഭിക്കും.
നോക്കിയ ഉപഭോക്താക്കള്ക്ക് ജിയോയില് 3550 രൂപയുടെ പ്രത്യേക ആനുകൂല്യങ്ങളും നൽകുന്നുണ്ട്. 349 പ്ലാനിലുള്ള പ്രീപെയ്ഡ് റീചാര്ജിന് 2000 രൂപയുടെ തത്സമയ ക്യാഷ് ബാക്കും പങ്കാളികളില് നിന്നുള്ള 1550 രൂപയുടെ വൗച്ചറുകളുമായിരിക്കും ലഭിക്കുക. പുതിയ ഉപഭോക്താക്കള്ക്കും നിലവിലുള്ള ഉപഭോക്താക്കള്ക്കും ഇത് ലഭ്യമാകും.
