കാശിവിശ്വനാഥന് മുന്നിൽ പ്രധാനമന്ത്രിയുടെ ആത്മസമർപ്പണം ; രുദ്രദേവന് കാണിക്കയായി രുദ്രാക്ഷം സമർപ്പിച്ച് നരേന്ദ്രമോദി

വാരാണസി : സംഹാരദേവനായ കാശി നാഥന് മുന്നിൽ ആത്മസമർപ്പണം നടത്തി പ്രധാനമന്ത്രി നരേന്ദ്രമോദി . വാരാണസിയിൽ പുതിയ പദ്ധതികൾ ഉദ്ഘാടനം ചെയ്ത ശേഷമാണ് അദ്ദേഹം കാശി ക്ഷേത്രത്തിലെത്തിയത് .

പൂക്കൾ, പാൽ, തൈര്, തേൻ, ചന്ദനം, കശുവണ്ടി, പഴം എന്നിവ നേദിച്ചുള്ള പ്രത്യേക പൂജയും ക്ഷേത്രത്തിൽ നടന്നു . രുദ്രാക്ഷ മാല, വില്വാദി മാല , ഭസ്മം , വസ്ത്രം എന്നിവ പ്രധാനമന്ത്രി കാണിക്കയായി സമർപ്പിച്ചു .

ലളിതഘട്ട് വഴി വിശ്വനാഥ ക്ഷേത്രത്തിൽ എത്തിയ അദ്ദേഹത്തിനൊപ്പം യുപി മുഖ്യമന്ത്രി യോഗി ആദിത്യനാഥുമുണ്ടായിരുന്നു . 5 പുരോഹിതരുടെ കാർമ്മികത്വത്തിലായിരുന്നു പൂജാ ചടങ്ങുകൾ . സുരക്ഷ കണക്കിലെടുത്ത്, എല്ലാ പുരോഹിതർക്കും കൊറോണ പരിശോധന ഉണ്ടായിരുന്നു .

55000 ചതുരശ്ര അടിയിൽ നിർമ്മിക്കുന്ന ബാബ വിശ്വനാഥ് ധാമിന്റെ നിർമ്മാണവും അദ്ദേഹം വിലയിരുത്തി. ഗംഗയിൽ കുളിച്ച് ശുദ്ധമായി വരുന്ന ഭക്തർക്ക് നേരിട്ട് ക്ഷേത്രത്തിലെത്തണമെന്ന ആഗ്രഹം നിറവേറ്റുന്ന പദ്ധതിയാണിത് . പ്രധാനമന്ത്രിയുടെ സ്വപ്ന പദ്ധതി കൂടിയാണിത്. ഗംഗയിൽ മുങ്ങി നിവരുന്ന ഭക്തർക്ക് ക്ഷേത്രത്തിന്റെ ഗോപുരം കാണാൻ കഴിയും. 2021 ഓഗസ്റ്റിൽ നിർമ്മാണം പൂർത്തിയാക്കാനാണ് ലക്ഷ്യം.

#WATCH Prime Minister Narendra Modi offers prayers at Kashi Vishwanath Temple in Varanasi
Chief Minister Yogi Adityanath also present pic.twitter.com/MF7piTO9zY

— ANI UP (@ANINewsUP) November 30, 2020