മനാമ: എഫ് വൺ സൂപ്പർ ഡ്രൈവർ ലൂയിസ് ഹാമിൾട്ടന് കൊറോണ. ബഹ്‌റിൻ ഗ്രാൻപ്രീ പോരാട്ടത്തിന് ശേഷം നടത്തിയ പരിശോധനയിലാണ് ലൂയിസ് ഹാമിൾട്ടന് കൊറോണ സ്ഥിരീകരിച്ചത്. രോഗബാധ സ്ഥിരീകരിച്ചതിനെ തുടർന്ന് ഹാമിൾട്ടൺ നീരീക്ഷണത്തിൽ പ്രവേശിച്ചിരിക്കുകയാണ്. അദ്ദേഹത്തിന്റെ ആരോഗ്യ നില തൃപ്തികരമാണ്.
ഐസൊലേഷനിലായതിനാൽ ഞായറാഴ്‌ച്ച നടക്കുന്ന സാക്കിർ ഗ്രാൻഡ് പ്രീയിൽ ഹാമിൾട്ടൺ ഉണ്ടാകില്ല. ഹാമിൾട്ടന് പകരം സാക്കിർ ഗ്രാൻഡ് പ്രീയിൽ സ്റ്റോഫെൽ വാൻഡോറനെ മത്സരിപ്പിക്കുമെന്ന് മെഴ്‌സിഡസ് വ്യക്തമാക്കി.
ഫോർമുല വൺ കാറോട്ട മത്സരത്തിൽ കൊറോണ സ്ഥിരീകരിക്കുന്ന മൂന്നാമത്തെ താരമാണ് ഹാമിൾട്ടൺ. സെർജിയോ പെരസ്, ലാൻസ് സ്‌ട്രോൾ എന്നിവർക്ക് നേരത്തെ രോഗബാധ കണ്ടെത്തിയിരുന്നു.
