അഡലെയ്ഡ്: ഇന്ത്യന് പേസ് ശക്തിയായ ഇഷാന്ത് ശര്മ്മയും വിരാട് കോഹ്ലിയും പരമ്പരയിലില്ലാത്ത ആശ്വാസത്തില് ഓസ്ട്രേലിയയും ഓപ്പണറും ബാറ്റിംഗ് കരുത്തുമായ ഡേവിഡ് വാര്ണര് പരിക്കുമൂലം വിട്ടുനില്ക്കുന്നതില് ഇന്ത്യയും ആശ്വസിക്കുകയാണ്. ഐ.പി.എല്ലിലെ പരിക്കില് നിന്നും മുക്തനായിട്ടും ബി.സി.സി.ഐയുടെ സമയക്രമം പൂര്ത്തിയാകാത്തതിനാലാണ് ഇഷാന്ത് ഷര്മ്മയ്ക്ക് കളിക്കാന് സാധിക്കാത്തത്. ഇന്ത്യക്കെതിരെ കളിക്കുമ്പോള് പരിക്കേറ്റതിനാലാണ് ഡേവിഡ് വാര്ണര് ടെസ്റ്റില് ഇറങ്ങാതെ മാറേണ്ടി വന്നത്.
ഇഷാന്ത് ശര്മ്മ കളിക്കാത്തത് ടീം ഇന്ത്യയ്ക്ക് വലിയ നഷ്ടമാണെന്നാണ് ഓസീസ് മുന്നായകന് സ്റ്റീവ് സ്മിത്തിന്റെ വിലയിരുത്തൽ. ജസ്പ്രീത് ബുംറയും ഷമിയും ഉമേഷ് യാദവിനേയും നേരിടാന് ഓസീസ് നിര സജ്ജമാണെന്നും സ്മിത്ത് പറഞ്ഞു. 2018ല് ഇന്ത്യ അവസാനം കങ്കാരുക്കളുടെ മണ്ണില് 2-1ന് ടെസ്റ്റ് പരമ്പര നേടിയാണ് മടങ്ങിയത്. ആ പരമ്പരയില് സ്മിത്തും വാര്ണറും വിലക്കുമൂലം ടീമിന് പുറത്തായിരുന്നു. ആദ്യ ടെസ്റ്റ് 17ന് അഡ്ലെയ്ഡില് പകല് രാത്രി മത്സരമായിട്ടാണ് നടക്കുക.
Comments