അഡ്ലെയ്ഡിൽ: ഇന്ത്യൻ യുവതാരത്തിന്റെ കുറവിനെക്കുറിച്ചുള്ള മുൻ ഓസ്ട്രേലിയൻ നായകന്റെ നിരീക്ഷണം വൈറലാകുന്നു. ഇന്നാരംഭിച്ച ആദ്യ ടെസ്റ്റിൽ ഓപ്പൺ പൃഥ്വി ഷോയുടെ ബാറ്റിംഗ് രീതിയുടെ പോരായ്മയാണ് പോണ്ടിംഗ് ചൂണ്ടിക്കാട്ടിയത്.
ഷോ കളിക്കാനിറങ്ങി ക്രീസിൽ ഗാർഡ് എടുക്കുമ്പോൾ തന്നെ പാഡും ബാറ്റും തമ്മിലുള്ള വിടവ് അപകടമാണെന്ന് പോണ്ടിംഗ് ചൂണ്ടിക്കാട്ടിയിരുന്നു. ഇത് പറഞ്ഞ് നിമിഷ ങ്ങൾക്കുള്ളിൽ സ്റ്റാർക്കിന്റെ പന്തിൽ ഷോയുടെ വിക്കറ്റും തെറിച്ചു. അതിവേഗം അകത്തേക്ക് തിരിഞ്ഞ പന്ത് ബാറ്റിന്റെ ഇൻസൈഡ് എഡ്ജിൽ തട്ടിയാണ് വിക്കറ്റിൽ കൊണ്ടത്.
ഐ.പി.എല്ലിൽ ഡൽഹി ക്യാപ്പിറ്റൽസിന്റെ പരിശീലകനും കൂടിയായ പോണ്ടിംഗിന്റെ കീഴിൽ ഇത്തവണ കളിച്ച താരമാണ് പൃഥ്വിഷോ. ഷോയുടെ കുറവ് കൃത്യമായി വിലയിരുത്തിയ പോണ്ടിംഗിന്റെ കമന്ററി ബോക്സിലിരുന്നുള്ള നിരീക്ഷണം കൃത്യമായതിന്റെ അത്ഭുത ത്തിലാണ് ആരാധകർ.
Comments