അഹമ്മദാബാദ്: ടീം ഇന്ത്യയുടെ സെലക്ഷൻ കമ്മിറ്റി പുന:സംഘടിപ്പിച്ചു. മുൻ ഇന്ത്യൻ പേസ് ബൗളർ ചേതൻ ശർമ്മയെ മുഖ്യ സെലക്ടറായി പ്രഖ്യാപിച്ചു. അജിത് അഗാർക്കറും സുനിൽ ജോഷിയും സെലക്ഷൻ കമ്മറ്റിയിൽ തുടരും. ഇവർക്കൊപ്പം എബി കുരുവിളയും ദേബാശിഷ് മുഖർജിയും സെലക്ടർമാരിലുണ്ട്. ക്രിക്കറ്റ് ഉപദേശക സമിതിയാണ് ചേതൻ ശർമ്മയുടെ പേര് നിർദ്ദേശിച്ചത്. ക്രിക്കറ്റ് ബോർഡിന്റെ 89-ാം മത് വാർഷിക പൊതുയോഗമാണ് ഇന്നലെ നടന്നത്.
തന്റെ പ്രവൃത്തി വാക്കുകളേക്കാൾ ശക്തമായിരിക്കും എന്നാണ് സെലക്്ടറായി നിയമിതനായ ചേതൻ ശർമ്മയുടെ പ്രതികരണം. ലോർഡ്സിൽ ഇംഗ്ലണ്ടിനെതിരെ അഞ്ചുവിക്കറ്റ് നേട്ടം കൊയ്ത കളിക്കാരനാണ് ചേതൻ ശർമ്മ . 1987 ഏകദിന ലോകകപ്പിൽ ന്യൂസിലാന്റിനെതിരെ ഹാട്രിക് നേടിയിട്ടുള്ള ചേതൻ ശർമ്മ ഒരു കാലഘട്ടത്തിൽ ഇന്ത്യൻ പേസ് നിരയുടെ കരുത്തായിരുന്നു. ഇന്ത്യക്കായി ചേതൻ 23 ടെസ്റ്റുകളും 65 ഏകദിനങ്ങളുമാണ് കളിച്ചത്.
