കുട്ടികളും മുതിര്ന്നവരും ഒരുപോലെ ഇഷ്ടപ്പെടുന്ന ഒരു പലഹാരമാണ് കട്ലറ്റ്. വൈകുന്നേരങ്ങളില് ചായക്കും വീട്ടില് അതിഥികള് വരുമ്പോഴും കൊടുക്കാന് പറ്റിയ നല്ലൊരു പരിഹാരം കൂടിയാണ് കട്ലറ്റ്. വിവിധ തലത്തിലുള്ള കട്ലറ്റുള് നമ്മള് തയ്യാറാക്കാറുണ്ട്. എന്നാല് മുളപ്പിച്ച പയറു കൊണ്ട് സ്വാദിഷ്ടവും ആരോഗ്യകരവുമായ ഒരു കട്ലറ്റ് എങ്ങനെ തയ്യാറാക്കാം എന്ന് നോക്കാം.
അതിനായി ആദ്യം മുളപ്പിച്ച പയര് നന്നായി വേവിച്ചത് ഒരു കപ്പ്, രണ്ട് വലിയ രണ്ടു വലിയ ഉരുളക്കിഴങ്ങുകള് വേവിച്ച് ഉടച്ചെടുത്തത്, റൊട്ടിപ്പൊടി, കോഴിമുട്ട ഉടച്ചെടുത്തത് എന്നിവ തയ്യാറാക്കി വെയ്ക്കുക. അതിനു ശേഷം ഒരു പാന് അടുപ്പത്ത് വെച്ച് നന്നായി ചൂടായ ശേഷം അതിലേക്ക് രണ്ട് ടേബിള് സ്പൂണ് സണ്ഫ്ളവര് ഓയില് ഒഴിച്ചു കൊടുക്കുക. അതിലേയ്ക്ക് വെളുത്തുള്ളി ഇഞ്ചി പേസ്റ്റ് രണ്ട് ടീസ്പൂണ് രണ്ട് പച്ചമുളക് അരിഞ്ഞത്, ഒരു കപ്പ് സവാള അരിഞ്ഞത് എന്നിവ ചേര്ത്ത് നന്നായി വഴറ്റിയെടുക്കുക. ഇവ നന്നായി വഴറ്റി കഴിഞ്ഞാല് അതിലേയ്ക്ക് ഒരു ടീസ്പൂണ് മുളകുപ്പൊടി, കാല് ടീസ്പൂണ് മഞ്ഞള്പ്പൊടി, അര ടീസ്പൂണ് കുരുമുളകുപ്പൊടി, കാല് ടീസ്പൂണ് ഗരംമസാലപ്പൊടി, കാല് ടീസ്പൂണ് ചിക്കന് മസാല പൊടി എന്നിവയും ആവശ്യത്തിന് ഉപ്പും മല്ലിയിലയും ചേര്ത്ത് നന്നായി ഇളക്കി യോജിപ്പിക്കുക.
ശേഷം ഇതിലേയ്ക്ക് വേവിച്ചു വെച്ചിരിക്കുന്ന മുളപ്പിച്ച പയറും ഉരുളക്കിഴങ്ങും ചേര്ത്ത് കൊടുക്കുക ഇവ നന്നായി മിക്സ് ചെയ്ത് രണ്ടു മിനിറ്റോളം ഇളക്കി യോജിപ്പിച്ച ശേഷം തണുക്കാനായി മാറ്റിവയ്ക്കുക. ശേഷം ഈ കൂട്ടെടുത്ത് കട്ലറ്റിന്റെ ആകൃതിയിലാക്കുക പിന്നീട് അടിച്ചു വെച്ചിരിക്കുന്ന കോഴിമുട്ടയില് മുക്കിയ ശേഷം റൊട്ടിപ്പൊടിയില് നന്നായി പൊതിഞ്ഞ് ചൂടായ എണ്ണയിലേയ്ക്ക് ഇട്ടു കൊടുക്കുക. ഒരു ഭാഗം നന്നായി വെന്തതിനു ശേഷം മറിച്ചിടുക. വളരെ പെട്ടെന്നു തന്നെ സ്വാദിഷ്ടവും ആരോഗ്യകരവുമായ കട്ലറ്റ് തയ്യാറാക്കാം.
Comments