ഭോപ്പാൽ: തന്റെ സ്വത്തിന്റെ പകുതി വളർത്തുനായയുടെ പേരിൽ എഴുതി വെച്ച് കർഷകൻ. മദ്ധ്യപ്രദേശിലാണ് സംഭവം. ജാക്കി എന്ന നായയ്ക്കാണ് കർഷകനായ ഓം നാരായൺ വർമ്മ തന്റെ സ്വത്തുക്കളുടെ 50 ശതമാനം എഴുതി നൽകിയത്. ബാക്കി പകുതി സ്വത്ത് രണ്ടാം ഭാര്യയായ ചമ്പ വർമ്മയുടെ പേരിലാണ് ഓംനാരായൺ എഴുതി വെച്ചിരിക്കുന്നത്.
ചിന്ദ്വാര ജില്ലയിലെ ബന്ദിബ്ര ഗ്രാമത്തിലാണ് നാരായൺ വർമ്മ താമസിക്കുന്നത്. ചമ്പ വർമ്മയോടും ജാക്കിയോടുമാണ് ഇദ്ദേഹത്തിന് ഏറ്റവും അധികം അടുപ്പമുള്ളത്. എല്ലാ കാര്യങ്ങളിലും തന്നോടൊപ്പം നിന്ന ജാക്കിയ്ക്ക് വേണ്ടി എന്തെങ്കിലും ചെയ്യണമെന്ന ആഗ്രഹമാണ് ഇത്തരമൊരു തീരുമാനത്തിലെത്തിച്ചതെന്ന് അദ്ദേഹം പറഞ്ഞു.
18 ഏക്കർ ഭൂമിയാണ് ഓംനാരായണിന് ഉള്ളത്. ഇതിൽ 9 ഏക്കറാണ് നായയ്ക്ക് നൽകിയിരിക്കുന്നത്. ഇതോടെ കോടിപതിയായി മാറിയിരിക്കുകയാണ് ഈ നായ. ഓംനാരായണിന്റെ മരണ ശേഷം നായയെ നോക്കുന്നത് ആരാണോ അവർക്കായിരിക്കും ഈ സ്വത്തുക്കൾ ലഭിക്കുക. മക്കളുടെ പെരുമാറ്റത്തിൽ മനംനൊന്താണ് ഓംനാരായൺ ഇത്തരമൊരു തീരുമാനമെടുത്തതെന്നും പറയപ്പെടുന്നുണ്ട്.
Comments