പാരീസ്: ഫ്രഞ്ച് ലീഗായ ലീഗെ വണ്ണിലെ പോരാട്ടത്തിൽ മൊണാകോ മോണ്ട്‌പെല്ലിയറെ തോൽപ്പിച്ചു. രണ്ടിനെതിരെ മൂന്ന് ഗോളുകൾക്കാണ് ജയം. വിസ്സാം യെഡ്ഡറുടെ ഇരട്ട ഗോളുകളാണ് മൊണാക്കോയെ ജയിപ്പിച്ചത്. കളിയുടെ 24-ാം മിനിറ്റിൽ കെവിൻ വോല്ലാന്റാണ് മൊണാകോയ്‌ക്ക് ലീഡ് നൽകിയത്. 35-ാം മിനിറ്റിൽ വിസ്സാം യെഡ്ഡർ ടീമിന് 2-0ന്റെ ലീഡ് നൽകി.
61-ാം മിനിറ്റിലെ പെനാൽറ്റി മുതലാക്കി മൊണാകോയെ യെഡ്ഡർ വീണ്ടും 3-0ന് മുന്നിലെത്തിച്ചു. തുടർന്ന് ശക്തമായ പ്രത്യാക്രമണം നടത്തിയ മോണ്ട് പെല്ലിയർ നിരയ്‌ക്കായി 64-ാം മിനിറ്റിൽ എല്ലി വാഹിയും 69-ാം മിനിറ്റിൽ ആൻഡീ ഡെലോർട്ടും ഗോളുകൾ നേടി ലീഡ് 2-3 ആക്കി കുറച്ചു.
ഇന്ന് രാത്രി മത്സരത്തിൽ മാർസെല്ലി നിമെസിനോട് ഏറ്റുമുട്ടും. ലീഗിലെ കരുത്തരായ നെയ്മറുടെ പി.എസ്.ജി നാളെ കളത്തിലിറങ്ങും. ആംഗേഴ്‌സാണ് എതിരാളി. മറ്റ് മത്സരങ്ങളിൽ ബ്രെസ്റ്റ് റെന്നസിനെതിരേയും നീസ് ബോർഡാക്‌സിനെതിരേയും നാന്റേസ് ലെൻസിനെ തിരേയും ഇറങ്ങും.
