തൊണ്ണൂറ്റി എട്ടാമത്തെ വയസ്സിലും കൊറോണയെ തോല്പിച്ച മലയാളികളുടെ സ്വന്തം ഉണ്ണികൃഷ്ണന് നമ്പൂതിരി. കൊറോണയെന്ന മഹാമാരിയെ അതിജീവിക്കാന് ഏതൊരു വ്യക്തിക്കും സാധിക്കും അതിനു പ്രായം പ്രശ്നമല്ല എന്നതിന്റെ തെളിവാണ് ഈ മുത്തച്ഛന്. ന്യൂമോണിയ ബാധയെ തുടര്ന്ന് ആശുപത്രിയില് ചികിത്സയിലായിരുന്നു. അപ്പോള് നടത്തിയ കൊറോണ പരിശോധനയുടെ ഫലം നെഗറ്റീവായിരുന്നു. എന്നാല് അസുഖം മാറി വീട്ടില് എത്തി ദിവസങ്ങള് കഴിഞ്ഞപ്പോള് പനി ബാധിക്കുകയും അതിന്റെ ചികിത്സയ്ക്കായി ആശുപത്രിയില് എത്തിക്കുകയും ചെയ്തു. തുടര്ന്ന് നടത്തിയ പരിശോധനയിലാണ് കൊറോണ പോസിറ്റീവ് ആണെന്ന് കണ്ടെത്തിയത്. അതോടെ അദ്ദേഹത്തെ ആശുപത്രിയില് അഡ്മിറ്റ് ചെയ്തു.
അസുഖം കൂടിയതിനെ തുടര്ന്ന് ഐസിയുവിലേക്ക് മാറ്റി. രണ്ടുദിവസം ഐസിയുവില് പ്രവേശിപ്പിച്ചെങ്കിലും കൊറോണയെ തോല്പ്പിച്ച് പൂര്ണ ആരോഗ്യവാനായി അദ്ദേഹം തിരിച്ചെത്തിയിരിക്കുകയാണ് ഇദ്ദേഹം. തൊണ്ണൂറ്റി എട്ടാമത്തെ വയസ്സിലും ആരോഗ്യം വീണ്ടെടുത്തിന്റെ സന്തോഷത്തിലാണ് അദ്ദേഹത്തിന്റെ കുടുംബാംഗങ്ങളും ഒപ്പം ആരാധകരും.
എഴുപത്തി ആറാമത്തെ വയസ്സില് ജയരാജിന്റെ സംവിധാനത്തില് പുറത്തിറങ്ങിയ ദേശാടനം എന്ന സിനിമയിലൂടെ അഭിനയ രംഗത്തെത്തിയ ഉണ്ണികൃഷ്ണന് നമ്പൂതിരി.തന്റേയായ ശൈലിയിലൂടെ പിന്നീട് മലയാളത്തിന്റെ സ്വന്തം മുത്തച്ഛനായി മാറി. മലയാളത്തിന് പുറമെ തമിഴ, കന്നഡ ചിത്രങ്ങളിലും അദ്ദേഹം അഭിനയിച്ചിട്ടുണ്ട്. കല്യാണരാമന് എന്ന ചിത്രത്തിലെ കുസൃതിക്കാരനായ മുത്തച്ഛനെ ആരും മറന്നു കളയാന് ഇടയില്ല. വ്യത്യസ്തമായ നിരവധി കഥാപാത്രത്തിലൂടെ പ്രേക്ഷകര്ക്കു മുന്നിലെത്തിയ ഉണ്ണികൃഷ്ണന് നമ്പൂതിരി കമലഹാസന്, രജനീകാന്ത്, ഐശ്വര്യ റായ് തുടങ്ങിയ പ്രമുഖ താരങ്ങളുടെ കൂടെ അഭിനയിച്ചിട്ടുണ്ട്. രാപ്പകല്, കല്യാണരാമന്, ഒരാള്മാത്രം തുടങ്ങിയ ചിത്രങ്ങളിലൂടെ മലയാളികളുടെ മനസ്സില് ഇടം നേടിയ താരമാണ് ഉണ്ണികൃഷ്ണന് നമ്പൂതിരി.
