മുംബൈ: ഐ.പി.എല്ലിൽ രാജസ്ഥാൻ റോയൽസിനെ ഇനി സഞ്ജു നയിക്കും. ഓസീസ് താരം സ്റ്റീവ് സ്മിത്തിനെ പൊടുന്നനെ പുറത്താക്കിയാണ് സഞ്ജുവിന് നറുക്കുവീണത്. മുഷ്താഖ് അലി ടി20യിൽ കേരളത്തെ നയിച്ച സഞ്ജുവിന് വലിയ അംഗീകരമാണ് ലഭിച്ചിരിക്കുന്നത്. ലോകോത്തര കളിക്കാരായ ബെൻ സ്റ്റോക്സും സ്റ്റീവ് ബട് ലറുമടക്കമുള്ളവരെയാണ് സഞ്ജു നയിക്കാൻ പോകുന്നത്.
താരലേലത്തിന് മുന്നേ തന്നെ സ്റ്റീവ് സ്മിത്തുമായുള്ള കരാർ രാജസ്ഥാൻ റോയൽസ് അവസാനിപ്പിച്ചിരുന്നു. ഐ.പി.എല്ലിൽ 107 മത്സരങ്ങളിലായി 2584 റൺസാണ് സഞ്ജു നേടിയത്.രണ്ട് സെഞ്ച്വറികളും 13 അർദ്ധസെഞ്ച്വറികളും മലയാളിതാരം നേടിക്കഴിഞ്ഞു.
